DABE 2:29 - Biblía Axweesantá Hhohho' ar Mungú 2004

²⁹ Yaaér Yordani a waarahhaán nee tawa dahaan baraá yaamaá AAKOÓ MUNGÚ, Munguúrén ni hanmiisi. Na/aá Esau kudá yaamaá Seiri nee múk Moabu kudá' baraá Ari atén tina ya/ané' tawa waarahhaan baraá tla/ángw yaamuuín ar ale.›

DABE 2:29 Iomraidhean Croise

IIMU/UUNGW 19:37

Dasidá' ur garma guri xwayluúr, umuuwós guri beér Moabu. Kwí an baabuú múk Moabu tam ay laarí.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

FAARO 20:18

Ala waawutmoó Edomu giri mu/aywaáts, «Aasla'áy! A waarahha'aaká ar baraá yaamuueé', gám bara waarahhamú eér un i haraatlawaán ar paánga.»

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 2:9

AAKOÓ MUNGÚ iri báy, ‹Múk Moabu mu hayloórí leehhaar, laqaá miti muxaara' nee inooín, asma yaamuuín ngi dirhúng i hanisaaká. Asma yaamaá Ari iga xwaylár Loti haniís as tawa aalir'ín.›

DABE 23:5

Ala AAKOÓ MUNGÚ, Munguúhúng Bala'amu gwa iiárií qaasiiká, kitaangose Mungú lo'oodá' gana warqeés tawa tsuuqa dirhunge, asma AAKOÓ MUNGÚ, Munguúhúng kuungá' nuna ló'wa slaá'.

DABE 25:15

Qoomoó ganaá' nee tlaa/aá ilo' awa hariimá' ar qoomeemesaak, as hotaá tleer kiwa sleera' baraá yaamaá AAKOÓ MUNGÚ, Mungúhung ni haniisi.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:21

Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 9:6

Naagáy xuaak AAKOÓ MUNGÚ, Munguúhúng yaamuuká' hhoohhoo' ngin kuungá' i hanisiiká kiwa ala', as kuungá' tawa hota gana'a', asma kuungá' a múk ló'wa sage gawdén.