DABE 2:24 - Biblía Axweesantá Hhohho' ar Mungú 2004

²⁴ «Naagáy AAKOÓ MUNGÚ atén tari báy, ‹Gimsé', aai iimu/umaak. Yaaér Arnoni, waarahhaak. Aníng waawutmo Sihoni, oo xoorór Amori kudá' Heshbonír hoót nee yaamuuwose ngwa gawaá dabaahúng i qaás. Yaamu i haratlawaak nee aaliro iimu/umaak.

DABE 2:24 Iomraidhean Croise

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

ESEKIELI 29:20

Aníng yaamaá Misri i haniís as tawa bu'utuú slaqwaruuseerós, asma gadiyér ur ngaa tleehhiyé' as aníng. Anuú Aakoó MUNGÚ tí aga oó'.

DANIELI 2:38

Umuú dír muu i hooti nee makaá sla/ato, nee tsir/ooro ngaa dabaawók i qaás, inós kuúng una baalusmooín wa qaás. Kuúng nee waawuti'iimaroge an sagwduú sahaábu.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

FAARO 21:12

Tana didá' wa tláy xafay'ín kuri tleéhh baraá xatstá Seredi.

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

YOSHUA 6:16

Harweermór faanqw kawa hhe'eés, qoomár kaahamuusér Mungú tarumbeetadu ngiwa ufáhh, Yoshua mukós guri báy, «Tsee'é'! Asma AAKOÓ MUNGÚ gixsarí nga dirhúngí haniís.»