DABE 2:23 - Biblía Axweesantá Hhohho' ar Mungú 2004

²³ Múk Afi aáng ina hoót dír yaamudaá bihhaá Tlawtá Tla/aangw ay Gasa. Múk Kaftori kudá' yaamaá Kaftorír daáhh mukduú Afi kuri hhaamiís, inooín tari baraá yaamuudá' i hotaá áy.

DABE 2:23 Iomraidhean Croise

IIMU/UUNGW 10:14

nee múk Patrusi nee múk Kaslu, dír múk Filisti niwa ti'iít, nee múk yaamaá Krete.

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

1 WAAWITÁ 4:24

Asma inós ina waawuti'ín daanduú yaamu sleémeero, iimír bihhaá /uwa awa yaaér Eufrate, nee Tifsa wa tleemu ay Gasa, waawitá sleémeero kuduú bihhaá /uwa yaaér Eufrateero guna sawaawuti'ín. Inós nee xoordu sleémeero kudaá inslawaay tana hoót ar wayda.

2 WAAWITÁ 18:8

Inós múk Filisti slaqwaraaro guna baál nee guri haraadáh baraá gixsaduín iimír Gasa ay ayeemaá inslawaydá', iimír iimu/úngw /Aampaá xuuma ay gixsadaá taa tleéhh ar koo/ír gawit.

1 QOM'I 1:12

múk Patrusi nee oo Kaftori nee oo Kasluhi, mukwí a amoodá' múk Filisti niwa tláy.

YEREMIA 25:20

nee dahaaye sleémeero tidá' yaamaá Misrír wa hoot, nee waawitá sleémeero oo yaamaá Usi, nee waawitá sleémeero oo yaamaá Filisti, nee oo Ashkeloni, nee oo Gasa, nee oo Ekroni, nee yaamuudá' naa meetiye' awa Ashdodi.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

SEFANIA 2:4

Asma gixsár Gasa ka geexáy, nee Ashkeloni kan deewa'ameérií geexáy, múk Ashdodi kun tlaatla/ángw loohatis, nee Ekroni kan dee/aáruú al tuu/.

SEKARIA 9:5

Múk gixsár Ashkeloni kaangwí burkwa ár, tari da'ayuut, nee múk gixsár Gasa sleeme iri amoqwaqwadín slahh'amuuwo, tam gixsár Ekroni sleeme harahhifoorós i qwát, waawutmoó Gasa i hhán, nee gixsár Ashkeloni heé gawa hoót iri qwaar.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

YOSHUA 10:41

Yoshua inooín giri baál iimír Kadesh-barnea wa ale, ay gixsár Gasa, nee yaamu sleémeero awa Gosheni, iri puruúts ay yaamaá Gibeoni.

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

YOSHUA 15:47

Awa hatlá' a Ashdodi nee Gasa dinkwa nee gixsadu nee ayeemoowose ay yaaér Misri ay afaá Tlawtá Tla/aangw.

HAR'OHUUSE 1:18

Dinkwa nee tihe tlahhoó Yuda gixsár Gasa gari hayóh nee ayeemowose, nee gixsár Ashkeloni nee ayeemowose, nee gixsár Ekroni nee ayeemowose.