DABE 2:14 - Biblía Axweesantá Hhohho' ar Mungú 2004

¹⁴ Qoomaarihe kureeri mibeeri tám nee dakaát naa qaroó waarahhiyé', iimidá' tawa Kadesh-barnea wa tlawaán, ay qoomár yaaér Seredi kawa waarahhaan. Qoomaarihe qartidá' afiqoomár slaqwara eemuuwo hariim aa qaroó fák qatlooro, adoodá' aáng AAKOÓ MUNGÚ lo'o ngira /aáy.

DABE 2:14 Iomraidhean Croise

WARA'AMI 106:26

Mungú dakós guri tleés giri iigahhaát, lo'o gari /aáy iri oó', «I baraá xaanxáy i qwaareés.»

WARA'AMI 90:15

Daxta kureeraá yaariir awa qwala/ huwang, ar adoodá' kureeraá slahh'amu nee waayaaqamu ngira hanís.

WARA'AMI 90:3

Hee un ki/ís baraá hhapeérií alé, bara ó', «Kuungá' muu, ki/é' baraá hhape amoodá' ta dahha'.»

WARA'AMI 90:9

Deeloorén sleémeero aa waaráhh baraá buhhtaawók, kureeraá slafingwrén niri faakiyé' adór hiinsla.

WARA'AMI 95:11

Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

FAARO 1:1

Bál slahhángw tsár tawa wak oo kurkú tsár iimír múk Israeli tindiwa baraá yaamaá Misri wa ti'iít, AAKOÓ MUNGÚ ina axweés dír Mose baraá heémadár Mungú wa ale, baraá xaanxoó Sinai, iwa kaahi,

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.

FAARO 32:11

‹Looeemaawo umuúqo heé naa baraá yaamaá Misrír wa ti'iit, oo kureeraá mibeeri tsár wa oohang oo yaamuudá' naa lo'ór wa /aáy ngiwa haniis dír Abrahamu, nee Isaka nee Yakobo, heé gi ár i kaahh. Asma inooín naa iialooeesi'iiká aníng iwa eehariya'.›

1 Korinto 10:5

Ala tam adoorihe awa yaariir baraaine Mungú ngwa sla'atisi'iiká. Gawaá adoorihe tu'uuín niri tlufaafuiyé' baraá xaanxáy wa alé.

DABE 1:19

«Naagáy adoodá' AAKOÓ MUNGÚ, Munguúrén ngira oó', aaiirén ina iimu/uumaán iimír tloomár Horebúr wa tleemu, tari waarahhaán ar baraá xaanxaydá' úr kudá' dae tlaaq, kuungá' u xuá', tari waarahhaán ar loohidár yaamaá tlom'i awa múk Amori. Tawa hardahaán didá' ta bay, Kadesh-barnea,

DABE 1:2

Diirí saweemaawo a har afiqoomár hi'iinór deelo mibaá nee wak, amór tloomár Horebu wa tleemu ay Kadesh-barnea, bara loohír tloomár Seirírárár ót.

DABE 1:46

Naagáy har afiqoomár yaariire tari meté' baraá Kadeshírí ale.»

DABE 2:13

«AAKOÓ MUNGÚ tiri báy, ‹Quutlé', hám daxta yaaér Seredi waarahhaak.› Kár yaaeedár Seredi kari waarahhaán.

DABE 2:16

«Naagáy mukdaádá' sleémeero aáng kureeri'ín slaqwara eemuuwo naa bu'uutiye' qatlooro niwa faakiyé' gawaá daanduú yaamuwo,

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

YOSHUA 24:7

Xoorór Israeli niwa amór AAKOÓ MUNGÚ wí /aa/ír, aníng giwti ngari tla/angwhúngí qaás nee múk Misri, ma'aá tlawi ngiri gawaaíní xoptís. Kuungá' ilahunge muruudá' naa tlehhiít ugwa aandé'.› «Aluuwo kureeraá yaariire tari baraá xaanxáy wa hoté'.

YOSHUA 5:4

Yoshua mukwí gár ngusa al/utlór áy a tí: Hhawaate sleémeero kudá' naa baraá Misrír wa ti'iitiye', kudá' afiqoomár slaqwara nga aye', nina qatliyé' baraá xaanxaay, alaá niwa ti'iitiyé' baraá Misrír wa ale.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.