DABE 2:13 - Biblía Axweesantá Hhohho' ar Mungú 2004

¹³ «AAKOÓ MUNGÚ tiri báy, ‹Quutlé', hám daxta yaaér Seredi waarahhaak.› Kár yaaeedár Seredi kari waarahhaán.

DABE 2:13 Iomraidhean Croise

FAARO 13:23

Qoomár tawa hardáh baraá xatstá Eshkoli, halmír sabiíbu ar /aroó wák koom ngiri tsatiyé'. Múk tsár gari gagaár ar xa'ano. Nee mamaá komamaanga nee mamaá /antsihe ngiri huwiyé' sleeme.

FAARO 21:12

Tana didá' wa tláy xafay'ín kuri tleéhh baraá xatstá Seredi.

FAARO 21:13

Tana male didá' wa tláy, xafay'ín kuri tleéhh bihhaá /iya awa yaaér Arnoni, tidá' baraá yaamaá Amorír daahh, iri waaraáhh baraá xaanxaay. Yaaér Arnoni an digimuú múk Moabu nee múk Amori.

DABE 2:12

Múk Hori sleeme aáng yaamuukaá Seiri gaa hoót, ala mukdá' kuna guús nee xwaylár Esau, kuri hhaamiís. Naagáy inooín awa kilá' nari kitángw mukdá' wa hootiyé'. Tam múk Israeli adoorír kilá' baraá yaamuudaá AAKOÓ MUNGÚ aa inooín i haniisi ngina tleehhiyé' as yaamuudá' tawa daqaari'iimar'ín.

DABE 2:14

Qoomaarihe kureeri mibeeri tám nee dakaát naa qaroó waarahhiyé', iimidá' tawa Kadesh-barnea wa tlawaán, ay qoomár yaaér Seredi kawa waarahhaan. Qoomaarihe qartidá' afiqoomár slaqwara eemuuwo hariim aa qaroó fák qatlooro, adoodá' aáng AAKOÓ MUNGÚ lo'o ngira /aáy.