DABE 2:10 - Biblía Axweesantá Hhohho' ar Mungú 2004

¹⁰ «Aáng yaamuukaá Ari múk yaariír gina hoót oo /uureemaá koóm, oo ta bay múk Emi, slám a múk tlét adór mukduú Anaki.

DABE 2:10 Iomraidhean Croise

IIMU/UUNGW 14:5

Nee kurkú mibaá nee tsiyahhe Kedorlaomeri nina hardáh dinkwa nee waawitaádá' nee inós ti koomá', múk Refaimu kuri baál baraá Ashterot-karnaimu, nee múk Susi kuri baá/ baraá yaamaá Hamuwo, nee múk Emi kuri baál baraá xatstá Shafe-kiriataimuwo.

2 SAMUELI 21:16

Heeko wák ku bay, Ishbibenobu, inós a heé wák baraá mukdá' tledaadét direne. Inós lawaalarós ar muqslír sirdaa/aat ga kón, ilooeemawo a kílo tám nee tlaqi. Paángarós ar /aben ga kón, inós Daudi guna iiár gaasaro.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 2:11

Mukuú adór múk Anaki, inooín sleeme kina xuú' tawa múk Refai, ala múk Moabu, mukwí umuú ngur ateetina' a múk Emi.