DABE 19:5 - Biblía Axweesantá Hhohho' ar Mungú 2004

⁵ ar slaqse, hee nee kuqá' ta xaa'aá tlaquú áy baraá darma, qoomár iwa tlaaqi, tsawo iri gawaá kipáy wa kotsoqót, hee guri /ák, iri gwaá', heedaádá' tsawoorós hee gwaa gas i gowi amór gixsár wák baraá gixsaduudá' taa paraatli, as slafiingós nguwa tu/i.

DABE 19:5 Iomraidhean Croise

2 WAAWITÁ 6:4

Gawaá adoorihe, Elisha nee inooín tari alkoné'. Tawa hardáh dír yaaér Yordaniro, xaai tlaquuwo ngay iimu/uné'.

AXWEESANOÓ SAGALOOA 27:12

Hee sagaloó' bar tsaxwa nga ár in nahhaat Ala heé iimiboó/ in amoodá' i hi'iit, iri dah baraá slahh'amu.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

FAARO 35:25

Bariise heedaádá' gun tú/ gawaá dabaá heedaádá' li/oó bu'utuú wa sla'a, kuduú guruú doó heé taa gaás, nee heé aáng kuri ki/is baraá gixsaadár guwaay, too aáng aa i goów. Baraadá' gin wa hoot ay dír kaahamusmoó Mungú i gwaai kudá' qoomaadae taa tsawaár, kuri iimbalaax ar di/tá hhohho'.

DABE 19:4

Hee barnaxes hee gwa pa/aayór wá gaás, heé wakusmowoseeká,

DABE 19:6

Ala barnaxes gixsadá' ka ló'wa saaw, heedaádá' li/oó bu'uúm kudá' hee gwaa pa/aayór wa gaas gu aleeslay eeharto guri gaas, tam heedaádá' hee gwaa pa/aayór wa gaas kwasleemarós kaa gwa'arárií tsatiikahe, asma inooín aáng a wakuuseerooká.