DABE 19:10 - Biblía Axweesantá Hhohho' ar Mungú 2004

¹⁰ as heé dakuúsár koomaaká mukuwa gaás baraá ayaahúng kudá' AAKOÓ MUNGÚ, Munguúhúng ni dír kuungá' i haniisi, nee gawaá adoorihe kuungá' nuri dakuúsár tsu/utár áy.

DABE 19:10 Iomraidhean Croise

1 WAAWITÁ 2:31

Waawutmo Solomon Benaya guri báy, «Adoosíng inós i kaahi tleehheek, gaaseek, ku fól, as kahhó' tseerér Yoabu aa tawo ku'uús kawa hinges dir'eene nee doó baabuúeene.

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 WAAWITÁ 24:4

nee sleeme asma inós baraá Yerusalemuro tseerdaá múk dakuús wásl gina ku'uús. Ala AAKOÓ MUNGÚ tlakweemaadá' gaa slaiiká ngiwa gurtlay.

WARA'AMI 94:21

Kudá' múk ganaá' gu tsu/utár wa slaá', kudá' múk dakuús wásl gu sakwasleemár gwa'arár i tlaáq.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.

YONA 1:14

AAKOÓ MUNGÚ kuri i /aa/amín kuri báy, «AAKOÓ MUNGÚ, atén kuúng u firiimaán. Aá AÁKO, atén miti qwaareesaar as slafíngw heewí kuwa qwaareesaán, laqaá miti li/áy buaar as heé tlakweés wásl kuwa qwaareesaán. Asma kuúng AAKOÓ MUNGÚ, adoorí ana tléhh ar adoodá' kuúng ta sla'.»

FAARO 35:33

Ala barnaxes adoosíng aga tlehhé' yaamuuká' ta hota' iga hhitiindé'. Tseerdu birna ku'uutiyé' yaamu ngi hhitiná' ilahhooár ta haniisi ar yaamaá tawa tsu/uút harihhoó' ngir slaya' i kaahh, aqo heedaádá' aa tsu/uut kun gaas.

DABE 19:13

Heé adoorí mu baloó gurtlawaara', ala masók tlakweemaá tsu/utár múk dakuusár koomaaká baraá yaamaá Israeliro in faká' as kuungá' tawa hota' ar wayda.

DABE 26:1

«Alaá bara hardaté' baraá yaamuudá' AAKOÓ MUNGÚ, Munguúhúng ni kuungá' i haniisi as kiwa ala', nee tari baraadá' wa hotá',

DABE 4:21

Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»