DABE 18:9 - Biblía Axweesantá Hhohho' ar Mungú 2004

⁹ «Qoomár bar aga daté' baraá yaamuudá', AAKOÓ MUNGÚ Munguúhúng ni dirhúngí haniisi, slooír xoordaá yaamuudá' tidá' ta waki ma eeharara'.

DABE 18:9 Iomraidhean Croise

2 WAAWITÁ 17:11

Mooyángw tsuú' kuri da/aa/án gawaá wa/aameedá' sleémeero ar gongooama', inooín slooír xoordaá hatlá' kudá' AAKOÓ MUNGÚ aa guús ngina eehariyé'. AAKOÓ MUNGÚ nguri buhhtisiyé' ar tlakweemaaín kudá' naa tleehhiyé'.

2 WAAWITÁ 17:8

slooír xoordaá hatlá' ngiri eehariyé', kudá' aáng AAKOÓ MUNGÚ aa guús geeraaín wa ale, nee tlehhmi'iidaá waawituú Israeli aa tlehhiít dír múk yaamuudá' wa aleeró ngiri aleealuusiyé'.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

YEREMIA 10:2

AAKOÓ MUNGÚ i kaahi, «Tlehhma'aá xoordaá hatlá' mi intsaatsahhaara', laqaá mutunduwa amoqwareemiís nee layaá gawaá doorí wa tleehharumiitá', asma layuudá' xoordaá hatlá' ngin amoqwareemisiyá'.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

DABE 20:18

As kahhó' inooín kuungá' munduwa intsaahhatisiyé' tlehhmi'ii'ín kudá' ta waki, kudá' i tlehhahhitiya' dír munguii'ín, nee kuungá' tlakweema kiri tlehhá' dír AAKOÓ MUNGÚ, Munguúhúng.

DABE 9:4

«Ala AAKOÓ MUNGÚ, Munguúhúng mukdá' burngwa hhe'eés geeraahúng wa guusaro, ma baraá gur'erhúng i ooara', ‹AAKOÓ MUNGÚ atén tina dahaás baraá yaamuuká' asma tawa gana'amuú koomaan.› Ala handá' AAKOÓ MUNGÚ, mukdá' guna geeraahúng wa guús asma tlakweemaaín.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.