DABE 18:3 - Biblía Axweesantá Hhohho' ar Mungú 2004

³ «Gaarí an hariimár kaahamuusér Mungú: Muruudá' ta ilahhooár wa tsu/i, adór hikwa, nee bee/aangw, kaahamuusér Mungú ya'aá geera ngi sleer, nee taqeesama' nee xooslár gura'.

DABE 18:3 Iomraidhean Croise

TI'INAANGW 29:27

«Qoomár kaahamusmoó Mungú bar ku paraatl as Mungú, da/eewo nee manguduú alu oo gwaanduudá' taa kaahamusmór paraátl, kingi amor'eení huwi as kiwa paraatli ar loohír kiwa gáwtí tleesi, daqaní kari hanís dír Aroni nee daaqaywós.

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

TLAHHOÓ LAÁWI 22:7

Tsiindi bira dát inós aa hhoohhooúy, gawaá adoorihe i ya/aán muruú /aymár hhohhó' nguwa /ayi, asma an muruú /aymaarós.

FAARO 18:11

«Sleeme muruú hatlá' sleémeero oo múk Israeli ni duuxi adór ilahhooár ta haniisi dír Mungú, muruuwí a kók. Muruuwí ngu dirók i haniís, nee dír daaqaywók nee dír dasuuwoge, tawa hariímarhúng ay alhhe'eesáy wasle. Hee barnaxes ku harmeetinká baraá xwaylaroge i harín muruuwí nguwa /ayi.

FAARO 18:12

«Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

DABE 12:27

Kuungá' ilahhooár da/a an hanisá', fu'unaay nee tseereero gawaá kitangwduú ilahhooár AAKOÓ MUNGÚ, Munguúhúng kawa hanmaamisa'. Tseerér ilahhooár muruú ta tsu/i an tsipipi'isá' gawaá kitangwduú ilahhooár AAKOÓ MUNGÚ, Munguúhúng, ala i ya/aán kuungá' fu'unaydá' kiwa /aga'.