DABE 18:22 - Biblía Axweesantá Hhohho' ar Mungú 2004

²² Barnaxes aarusmo gaa gaa oó' ar umuú AAKOÓ MUNGÚ, nee gadaádá' aa tleehharutká, laqaá aa loeeská, daqaní gaarí AAKOÓ MUNGÚ gaa ooiiká. Aarusmo gana sagós ar oó'. Kuungá' mutunduwa dae tsaát nee gár adór tí.»

DABE 18:22 Iomraidhean Croise

1 WAAWITÁ 22:28

Mikaya iri oó', «Kuúng barnaxes naa kí/ ar wayda, daqaní AAKOÓ MUNGÚ aníng iga ya/aawiiká.» Iri malé kumiít axweesanto, «Iími, aníng tí ni kah iiaárí qaasaak.»

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

AXWEESANOÓ SAGALOOA 26:2

Adoodár pareeqamo nee sooriro ir tlatlaya' ar hhampe'eeri'ín, tam lo'ór gaa wasl sleeme hee gu /agká.

ISAYA 41:22

muruú naa ti'iit atén bawaare', daqaní u alqaytsitaán, laqaá muruú aluú wa hardáh ooare'. Masók muruú hardáh u xuaán.

YONA 3:4

Yona iri baraá gixsadá' i dáh, iri baraadá' wa hi'iimiít looa gar wa dát, iri tseeamín iwa kaahi, «Gixsár Ninewi ka qwaarees alaá deelo mibeeri tsiyáhh bira waaráhh.»

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

DABE 18:20

Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.

DABE 18:21

«Ala i ya/aán kuungá' tawa oa', ‹Adór axweesantá AAKOÓ MUNGÚ naa ooiiká kar tsaahhaan?›

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.