DABE 18:20 - Biblía Axweesantá Hhohho' ar Mungú 2004

²⁰ Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.

DABE 18:20 Iomraidhean Croise

1 WAAWITÁ 13:19

Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

1 WAAWITÁ 18:19

Gawaá adoorihe, ya/abiím múk Israeli sleémeero ni burumburiiti dir'eé' gawaá tloomár Karmeli, nee sleeme dinkwa nee aaruusedá' ar Ba'ali ar tsiire tsiyáhh nee mibeeri kooán nee aaruusér tsiire tsiyáhh ar Ashera, munguúduú /ameeni, aaruuseedá' ta /aymisi nee waawuto'o Yesebeli.»

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

1 WAAWITÁ 18:40

Eliya muu guri báy, «Aaruusér Ba'ali sleémeero ohiimare', tam oo wák miwa kotsqoót.» Naagáy sleémeero kiri ohín. Eliya giri huúw baraá yaaér Kishoni, giri tsuú/ baraadií ale.

YEREMIA 2:8

Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

YEREMIA 23:30

Gawaá adoorihe, anuú AAKOÓ MUNGÚ a haraatláw dír aaruuseedá' axweesante'eé' fisisiim.

YEREMIA 23:31

Ar looeemawo anuú AAKOÓ MUNGÚ a haraatláw dír aaruseedá' tlororoo' ar kah, AAKOÓ MUNGÚ i kaahi, laatí aníng nga ya/aawiiká.

YEREMIA 26:11

Qoomaarihe kaahamuusér Mungú, nee aaruuse, niri axweesiyé' dír geeraharuuse nee muu sleémeero kiri báy, «Heewí gár kuwa hariím a gaasa, asma muruudá' aa aarín daanduú gixsarihe, adoodá' kuungá' kilá' iaahunge kura axasé'.»

YEREMIA 27:15

AAKOÓ MUNGÚ i kaahi, «Aníng aaruuseerí nga ya/aawiiká, ala inooín aaru'uuma ngin kaahiyá' ar umuueé'. Gawaá adoorihe in amór saáwí guús, kuungá' a hhaandá' dinkwa nee aaruuserhúng tidá' nu lámtí aariirima.»

ESEKIELI 13:6

Iigu'utuuín a lamtá tawo, nee inooín gár i aariirina' a al/aymár tawo. Inooín ngiwa xuiya' in axweesiyá' kitángw anuú AAKOÓ MUNGÚ wa aleeró, ala aníng ngaa ya/aawiiká, slamí inooín ngi xuiya' aníng tidá' i aariirina' a boo/eés.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

SEKARIA 13:3

Barnaxes heé wák ti adór aarusmo tlehhiit, baabuúwós nee aayoorós burngwa ariyé' ngun baya', ‹Kuúng a gaasa, asma lama ana axwés ar umuú AAKOÓ MUNGÚ.› Nee hamtidár kilá' iwa aaririn xwayliiteérós gun mút ar tsataay iri gwaa'.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

DABE 18:21

«Ala i ya/aán kuungá' tawa oa', ‹Adór axweesantá AAKOÓ MUNGÚ naa ooiiká kar tsaahhaan?›

DABE 18:22

Barnaxes aarusmo gaa gaa oó' ar umuú AAKOÓ MUNGÚ, nee gadaádá' aa tleehharutká, laqaá aa loeeská, daqaní gaarí AAKOÓ MUNGÚ gaa ooiiká. Aarusmo gana sagós ar oó'. Kuungá' mutunduwa dae tsaát nee gár adór tí.»

2 Petro 2:12

Ala intsaahhatuuseerí muruú ta xuiiká kun /ooslislín. Inooín a adór makaá fuqurángw kooma'aaká, kudá' taa tleéhh as kiwa oohi nee kiwa qwaareesi. Inooín sleeme ki qwaarees adoorír aleeró, asma hhitiru'uumar'ín.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

HAR'OHUUSE 2:15

Umuúqo slaqwarár taa ayi AAKOÓ MUNGÚ gina ya/an kiwa baali, ar adoodá' ngira oó', nee ar adoodá' lo'o ngira /aáy, inooín niri ló'wa amoqwaariyé'.