DABE 18:18 - Biblía Axweesantá Hhohho' ar Mungú 2004

¹⁸ Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.

DABE 18:18 Iomraidhean Croise

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

TI'INAANGW 4:12

Daxta tláw, aníng kuúng u alee/iís gár ta oa, nee aníng gár kuúng ta o' ngi oó'.»

TI'INAANGW 4:15

Kuúng tari axwés nee inós, nee /aymi'iiká' kiri qás baraá afkós. Aníng a dinkwa nee afkók, nee afkose, aníng kuungá' nu intsaahhatís ar ta tlehha'a.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 51:4

Muk'eé' aníng iiárií qaasaré', xooror'eé' iia qaasaak, asma dabe ni dir'eé' dáhh, nee sakwasleemar'eé' ar ganaa' i gwa/aateemaá muu tleehhít.

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

HOSEA 12:14

Múk Israeli AAKOÓ MUNGÚ gwaa ló'wa buhhtís, ala gawaá adoorihe tseerduudá' naa ku'uumamisiyé' gi gawaaíní ki/is, li/ayduú /osliislingw'ín gu gawaaíní buu'.

AMOS 2:11

Aníng na/iihúng ina bahh tsawaár tawa aaruuse, nee baraakarka tawa múk al'axweesanoó qamiím. Xáy, a adooríheéke, aá múk Israeli? Anuú AAKOÓ MUNGÚ tí ngina oó'.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 12:13

Mose iri /aa/aá ay dír AAKOÓ MUNGÚ iwa kaahi, «AAKOÓ MUNGÚ, aníng kuúng un fiririím, hungu/uuseek.»

FAARO 23:16

AAKOÓ MUNGÚ nee Bala'amu tari slayé', inós axweesani gari oó' dír Bala'amu ar i ooár ay dír Balaki.

FAARO 23:5

AAKOÓ MUNGÚ axweesani gari oó' dír Bala'amu ar i ooár ay dír Balaki.

Luka 24:19

Giri yaahaás, «Ahaá, a muruú adoomá oo aa tleehharuut?» Kuri báy, «Kángw Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geeraá Munguhe, nee dír muu sleémeerowo.

Yohana 1:21

Kuri yaahaás, «Kuúng a heemá ala? Kuúng a Eliyáwo?» Iri oó', «Aníng a Eliyawooká.» Tari oó', «Kuúng a aarusmoodáe?» Iri oó', «Aasla'áy.»

Yohana 1:25

Kuri yaahaás kuri báy, «Ahaá ala, mas baatimís, kuúng bar Kristowooká, laqaá Eliyawooká, laqaá aarusmoodaeeká?»

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 17:18

Adoodá' án kuúng ira ya/áp baraakaáká' yaamu, án sleeme inooín ina ya/aáw baraakaá yaamu.

Yohana 17:8

Asma axweesanaydá' naa aníng i ó', aníng ugwa dir'íní oó', nee inooín kwaa ya/án, kari ló'wa xuú' adór amór i dahhi tar amoorók, kari haratlintií' adór án heé iga ya/aaw tar kuúng.

Yohana 4:25

/Ameenidá' Yesu guri beér, «Aníng a xuú' adór Masihi nir hardáh, kudá' ta bay Kristo. Qoomár inós binda hardáh, mura' sleémeero ngu dirén i alki/iit.»

Yohana 8:28

Yesu iri oó', «Qoomár bar Garmoó Hee tleesár gawto ugwa hhe'esé', daqaní a tsahhá' adór aníng tar kudá'. Nee daqaní a tsahhá' adór án gaa ngir kilooeé' tleehhaaká, ala adoodá' Baabá aníng ira intsaahhatís, an adoodá' ni axwees.

Tlehhema'aá ya/Abuuse 3:22

Asma Mose ina oó', ‹Aako Munguúhúng aarusmoó adór aníng ngu baraá tla/angwhúng wa sláy. Ala muruudá' sleémeero ni kuungá' bay na iiárií qaasaak.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 33:5

AAKOÓ MUNGÚ tari waawutmoó múk Yeshuruni, qoomár geeraharuusér muu iwa burumburít qoomár tlahh'aá Israeli niwa burumburitiyé'.

DABE 34:10

Baraá yaamaá Israeliwo aarusmoó adór Mose aa baloó ti'iitiiká, oo nee AAKOÓ MUNGÚ naa axweesiye' ar afe.

DABE 5:5

Qoomaadae aníng ana sihhiít tla/ángw kuungá' nee AAKOÓ MUNGÚ, nee tidá' inós naa káh, aníng ngiri dirhúng i ilaahanmiís, asma kuungá' asltadá' ana da'ayuté', nee aga gawaá tloomadá' i tsa/aandi'iiká. «AAKOÓ MUNGÚ ina oó',

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.