DABE 18:10 - Biblía Axweesantá Hhohho' ar Mungú 2004

¹⁰ Baraá tla/angwhunge hee tumu wák miwa deeruút, heé na/aywós oo garma, laqaá oo dasi gu baraá ásltár ohís as nguwa ilahhooár wa haniisi, laqaá heé tlaa/aá xuaaiím, laqaá heé tu/u/uúm, laqaá oo isaá araa'ár,

DABE 18:10 Iomraidhean Croise

IIMU/UUNGW 44:5

Ahaá, kuungá' a xua'aakáhe adór isaangirí tar isaangír aakooeé' ir wahaahan. Slamí inós isaangirí gan iigu'utúr ar'aa'ar. Aga ló'wa dakusé' adoorí kawa tlehhé'.› »

2 WAAWITÁ 16:3

Ala inós tlehhma'aá waawituú Israeli gina eehár. Inós sleeme tam na/aywós guna ilahhooár da/tá wa haniís. Inós tleehhmuudá' ta waki oo xoordá hatlaá' kudá' AAKOÓ MUNGÚ aa guús geeraá múk Israelír wa ale guna tleéhh.

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 WAAWITÁ 17:17

Na/ii'ín awa daaqaay nee awa dasuwo ngina ilahhooár da/tá wa hanmiisiyé' dír munguaá lama, inooín dír qwaslaare nee da/aluuse ngina kakayé' as kiwa yaahamiisi kángw hotaaine. Inooín tina ló'wa haniisiyé' baraá tlakweema, dír geeraá AAKOÓ MUNGUHE, gawaá adoorihe, AAKOÓ MUNGÚ nguri buhhtisiyé'.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 WAAWITÁ 23:24

Waawutmo Yosia qwaslaarér giaá duxuum nee da/aluuse, nee murslaaqat nee slaqsi'i dinkwa nee muruudá' ló'wa buhhtamís, sleémeero guna hingeés baraá yaamaá Yudawo as tidá' taa gooín baraá kitaábuudá' Hilkia kaahamusmoó úr oo Mungú aa sláy baraá doó AAKOÓ MUNGÚ wa ale.

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

TI'INAANGW 22:17

Ala bar baabuú dasiidá' aa sií' dasiirós haniisaro, heedaádá' bu'utuú hariím dasír /amaatliito'ór wa ale ngu bui.

TI'INAANGW 22:18

«Da/aluso'o ma slafiíngwí mawaara'.

ISAYA 47:13

Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

YEREMIA 27:10

Mukwí kuungá' nun aaru'uumár lámtí kah, nee gawaá adoorihe kuungá' tundu loohatis yaamaá saawá'. Aníng kuungá' nun amór saáw i guús tunduri hhaamiis.

YEREMIA 27:9

Naagáy kángw aaruuserhúng mu axamiisara', laqaá kángw mukdá' tlaa/aá xuaaiím, laqaá iigu'utuuserhúng tí aariiriim, laqaá kudá' giaá duxuumá', laqaá qwaslaarerhúng tidá' kuungá' nu babaw, ‹Waawutmoó Babuloni mu ilaiwawa/aara'.›

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.

TLAHHOÓ LAÁWI 19:26

«Fu'unaá tseerér koomá' mi /ayaara', tlaa/e mi a'awaara', tam ma da/ariirimaara'.

TLAHHOÓ LAÁWI 19:31

«Xu'utuusér gi'i ma i daqaaqawaar, laqaá da/aluuse ma firiirimara' as nuwa alee/is, adoosíng bara tleehhé', tunda dahaás baraá tlakweema. Aníng an AAKOÓ MUNGÚ, Munguúhúng.

TLAHHOÓ LAÁWI 20:6

«Hee barnaxes aa daqáy dír xu'utuusér gi'i, nee da/aluuse, ar adoodae inkihhimu ngway dakuús dir'eene, un hara sihhiít, ngway baynitís dír xooroorós ar Israeliro.

MIKA 5:12

Aníng tam da/ariwók i hingeés baraawoge, ngay faák. Tam mukók kudá' iigu'utuú ara'ár ta baloó kumiitiiká.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Tlehhema'aá ya/Abuuse 19:19

Nee muu bahh'alé kuduú qwaslaare kitaabi'ii'ín kiri burumbuúr, kiri dír geeraá muu sleémeeró wa daá/. Nee faaro kari tleéhh, naxés tlaxór kitaabi'iidá' a shiliíngi kume mibeeri kooán.

Tlehhema'aá ya/Abuuse 8:9

Heeko umuuwós ta bay Simon i deer baraá gixsadae. Inós a qwaslaarmo. Múk yaariír baraá gixsár Samariaro tana ló'wa waa/oó/, asma inós i kaahi, «Aníng a heé úr.»

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 28:3

Qoomaarihe, Samueli aa qaroó gwaá', dír kway fool a dír do'ós baraá Rama. Múk Israeli sleémeero guri satsuunquumiís. Saulo qwaslaarér giaá duxuum nee da/aluuseero baraá ayko gaa tlatlahhaás.

1 SAMUELI 28:7

Saulo sagadiyuuseerós gari báy, «/Ameenír giaá duxuum leeleehhare', as aníng kangw'eé' kwí nguwa dirósií yaahasár aw.» Sagadiyuuseerós guri beér, «/Ameenír wák i deer ar tsaahhasíng koom baraá yaamaá Endoriro.»

1 SAMUELI 28:8

Saulo tlabaawós giri warqeés, tiri ilaqaás tawa adór múk hatlá', iri tláy nee mukós oo tsár tiri koné'. Tari xweeraá hardáh dír doó /ameenír aáng, iri oó', «Na'ás isooeé' kuká' arang baraá miislaywoge. Heedaádá' aníng ni uma oo' watleesáng baraá gi'ií wa alé.»

1 SAMUELI 28:9

/Ameenidá' inós guri beér, «Kuúng a xú' adór Saulo múk giaá duxaaxiím nee da/aluuse ngira hhaamiís sleémeero baraá yaamaá Israeliro. Asma milá hamí misa tsaaxwelírí qás ar aníng i oh, iri gás.»