DABE 17:9 - Biblía Axweesantá Hhohho' ar Mungú 2004

⁹ Daqaní ta hardatá' dír kaahamuusér Mungú ar tlahhoó Laáwi, nee dír har'ohusmoó qoomaasinge baraá gadiyeédí dirií', kuungá' kaangw ku dir'íní oá'. Inooín kwasleemaadá' ngi tsatiyá'.

DABE 17:9 Iomraidhean Croise

1 QOM'I 26:29

Baraá daaqoó Ishariwo Kenania nee daaqaywós kina geeraharuusér wa qaás nee har'ohuusér múk Israeli.

TI'INAANGW 18:16

Múk taa afo dakumiis birna hardáh un haraaki/ís, aníng an har'ohiím tla/ángw hee nee inslaawmoowose, nee in intsaahhatimís kaahír Munguhe nee adoodá' i slai.»

TI'INAANGW 22:8

Ala barnaxes fisusmo kwaa slayká, seebuú do' i hardihi dír geeraá Mungú as kawa tsaahhi axáy inós i deéro baraá fiisór inslaawmoowose.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

ESEKIELI 44:24

Barnaxes gila i dayá', inooín kin har'oh ar adór daber'eé'. Inooín hara'ayar'eé' nee kaahir'eene ngi amohhe'eesiyá' ar deeloodá' urén sleémeero ngiwa harmagaahhiyá' nee Sabaátor'eé' kawa hhoohhoeesi.

HAGAI 2:11

«Anuú AAKOÓ MUNGÚ Aleesleemusmo a kah, kaahamuusér Mungú yaahasaak, yaahasarí ngi mu/aywatsiye'.

SEKARIA 3:7

«AAKOÓ MUNGÚ Aleesleemusmo i kaahi, ‹Kuúng barnaxés loohir'eé' aga eehát, nee hara'ayar'eé' bara ót, daqaní dooeé' u sawaawuti'iín nee un de'eén, aníng pa/aangw ngu haniís oo iwa i tseewuur tla/ángw kudá' geeraaeé' wa sihhimiita'a.

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

DABE 17:10

Naagáy daqaní kuungá' tidá' inooín ni ooiya' didá' AAKOÓ MUNGÚ aa tsawaár wa ale ka tlehhá'. Kuungá' ló'wa ilakaaharesé', adoodá' sleémeero inooín ni ooiya' kawa tlehha'.

DABE 21:5

Daqaní kaahamuusér Mungú ar tlahhoó Laáwi, ni didií hardat, asma AAKOÓ MUNGÚ, Munguúhúng inooín gina tsawaár as nguwa sagadiyuusiya', nee tsuuqa ngiwa hanmiisiya' ar umuú AAKOÓ MUNGÚ. Inooín aleesleemu ngu koná' oo qaa/oó gila nee oo muruú /uuru nguwa tlaaqiya'.

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.