DABE 17:5 - Biblía Axweesantá Hhohho' ar Mungú 2004

⁵ daqaní heesíng laqaá /ameenisíng duuxaak baraá gixsaaro, nee ka tlaqutá' ar tlaa/e ay dír i gwa'.

DABE 17:5 Iomraidhean Croise

YOBU 31:28

muruuwí sleeme an tlakweésár ur ar sakwasleemár wa hariim, asma geeraawo lama aga tsaát dír Munguú Gáwtí diriia.

TI'INAANGW 22:19

«Heé nee makiito'o naa fuquusiye' a gaasa.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

TLAHHOÓ LAÁWI 24:16

Umuúqo heewo oo yaamuloó' laqaá hoomo oo umuú AAKOÓ MUNGÚ gwaa tloqoos, xooro gun tlaa/ér gás.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 17:4

nee barnaxes kangwsíng kungwa kuungá' tunduri kaangwí báy nee kuri axasé', daqaní kangwsíng kungwa dirhúngií oó', daqaní kangwsíng ku tsawtsawuusá', axáy ar tsuuwa lóe. Nee barqo tsuwa ló', gár adór tír tlaakw baraá yaamaá Israeliwo kaa qo tsuwa tleéhh,

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

DABE 22:24

inooín tsaraawo duuxaak baraá gixsaro nee ki tlaqutá' ar tlaa/e ay dír i qatliya'. Dasiirí in hariín kawa tlaa/ér tlaquuti as inós iwa tseiká, as kawa alee/isi, inós iqo baraá gixsárí dirí'. Hhawaata aqo kun gaas asma dasír inslaawmoowós i lehhiiti ga alsi'imúr áy. Adoorí an adoodá' tlakweema kir hingeesa' baraá tla/angwhunge.

YOSHUA 7:25

Yoshua iri oó', «Xáy, asma milá, kuúng gár slahh'amu ngusa húp baraá tla/angwréní alé? AAKOÓ MUNGÚ slahh'amu ngu dirók i huuw laarí.» Akani kuri tlaquút ar tlaa/e nee múk Israeli sleémeero, kuri gaás. Múk do'ós sleeme kuri tlaquút ar tlaa/e, kuri tsuú/ nee kuri daá/ ar asla.

HAR'OHUUSE 6:31

Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»