DABE 17:20 - Biblía Axweesantá Hhohho' ar Mungú 2004

²⁰ Barnaxes inós aa daara/uutiiká iri hhaeewós waaqaqauú áy, laqaá barnaxes hara'ayaarí gaa si'iiká, tam adór niina, inós in kumamiit waawuti'iimaro nee na/iiwose baraá yaamaá Israeliwo.»

DABE 17:20 Iomraidhean Croise

2 SAMUELI 22:23

Hara'ayaarós sleémeero aga óh, baraá tidá' naaqo ooi ar naa sií' i káhh.

1 WAAWITÁ 11:34

Tam adoorihe aníng waawuti'iima a hayohaaká gawaá dabaawose, ala án ugwa waawutmoó wa qaás baraá hotaawós sleémeero as Daudi, sagadiyusmooeé' kudá' naa tsawaár, kudá' hara'ayar'eé' gaa oh nee kaahir'eene.

1 WAAWITÁ 11:36

Garmaawós kwí Solomon, aníng u tlahhoó wák i haniís, asma qooma sleémeero xwaylár sagadiyusmooeé' Daudi tlahhaywí nguwa sawaawuti'iin baraakaá Yerusalemúr wa alé, nee inós masók a gwa/aateema baraá gixsár Yerusalemu ar aníng naa tsawaár as tawa dír aníng tiwa sluufmiisi.

1 WAAWITÁ 15:3

Abiya tlakweema gina tleéhh adór baabuúwós wá ale, inós inkihhimu gu konká dír geeraá AAKOÓ MUNGÚ, Munguúwose, adoodár Daudi wa ale, baabuúwós.

1 WAAWITÁ 15:5

AAKOÓ MUNGÚ adoorí gana tleéhh asma Daudi gan'amu guna tleéhh, nee hara'ayár Mungú gaa baloó iiawaslesiiká baraá hotaangós sleémeerowo, aqo har dakuúsadá' aa tleéhh ar Uria heé Hiti.

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

2 WAAWITÁ 10:30

AAKOÓ MUNGÚ Yehu guri báy, «Adoodá' ni slaa' tleehhamoro dír xwaylár Ahabu sleémeero aga tléhh. Gawaá adoorihe, aníng al'axweesante'eé' ngin dirógí oó' nee dír xwaylarók, múk Israeli u sawaawuti'iindá' ay qartá tsiyáhh.»

2 WAAWITÁ 14:10

Hám daxta, kuúng Amasia, múk Edomu ugwa ló'wa bál, daxta hamí kuúng aga ló'wa daara/út. Tsiní xirfuú niiná ta sleér ar do'ók wa ar iwiteek. Ahaá a milá gár atayaá yaariir awa kuúng u hhaamiisá' dinkwa nee mukók kwisíng oo Yuda?»

2 QOM'I 25:19

Gimáy daxta Amasia, kuúng a kat, ‹Aníng múk Edomu ugwa tsuú/.› Hamí aga ló'wa daara/út, xaa a tsiní bara do'ók i xaslít. Ahaá waáy, gár slahh'amuú tawo kus leelehhit, kuúng dinkwa nee múk Yuda.»

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

2 QOM'I 33:12

Qoomár iwa baraádií dirii'i, AAKOÓ MUNGÚ guna ló'wa firín, tiri ló'wa niinaweés dír geeraá Munguú baabi'iiwose.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

WARA'AMI 119:102

Gár kuúng ta kat aga waqaiiká, asma kuúng a intsaahhatusmooeé'.

WARA'AMI 132:12

Daaqaywók barnaxés alqador'eé' nee axweesante'eé', tidá' naa intsaahhatís ngaa iialooeesiyé', daqaní daaqay'ín sleeme i iwiit gawaá kitaangók oo waawuti'iima ay alhhe'eesay wasle.»

WARA'AMI 19:11

Aníng sagadiyusmoowók ti intsaahhatimis nee dabér AAKOÓ MUNGÚ, dabeerós bara iialooeés, qeemuú úr u sláw.

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

AXWEESANOÓ SAGALOOA 27:24

Asma daqaari'iima i hotatindaaká ay kureér, tam slamaangw i kumamitiiká ay qari sleémeero.

DAHARUSMO 8:13

Ala amohhooa i káhh dír heé tlaakwe, slafiingós in adór mahhtír wá waraahh i tleereesiiká, asma inós dír geeraá Munguhe ilaiwa/ame ga konká.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

HABAKUKI 2:4

Gár ta gooiin a tí: ‹Múk tlakweemaá tlehhaahhiít ga/a/awaagáy i xayká. Ala heé gan'amuú koóm gár ir slafi a haratlintaao.› »

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

DABE 12:28

Ti ló'wa harmagahhe' axweesantí naa bawi iialooeesé', as kuungá' diihhooa kawa sleera' dinkwa nee na/iihúng awa aluúwaá hardahá' ay alhhe'eesay wasle, asma kuungá' adoorihe adoodá' hhoo' aga tlehhé' dír geeraá AAKOÓ MUNGÚ, Munguúhunge.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 17:11

Kuungá' gár tunduwa hariím aqo adoodá' inooín naa ooiyé' an tlehhá', nee adoodá' nura gan'aasiyé' an eehadá'. Adoodá' kuungá' tunda báy ma baloó mawaara' kawa tlehha'.

DABE 4:2

Hara'aya ma doogara' daanduú tí naa dír kuungá' i ooi, laqaá dír tí naa ooi tam ar wák ma /aareesara'. Hara'ayár AAKOÓ MUNGÚ Munguúhúng tidá' aníng naa kuungií oó' ooharo harmagahhaak.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

1 SAMUELI 10:25

Kár Samueli daharemaá waawutmo giri alki/iít dír muu, giri gooín baraá kitaábu, giri qaás didá' hhoohhoo' ar AAKOÓ MUNGÚ. Samueli iri ya/án muu sleémeero iwa watli amór maray'ín.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»