DABE 17:2 - Biblía Axweesantá Hhohho' ar Mungú 2004

² «Barnaxes aga axasé' baraá gixsaduhúng kudá' AAKOÓ MUNGÚ naa kuungá' i haniís, heé hhawaata laqaá /ameeni tlakweema gaa tleehh dír geeraá AAKOÓ MUNGÚ, Munguúhunge, nee alqadoorós gari sií',

DABE 17:2 Iomraidhean Croise

2 WAAWITÁ 18:12

Adoorí ina tleehharút asma múk Israeli afór AAKOÓ MUNGÚ, Munguúín, nga iiárií qaasi'iiká. Inooín al'axweesantós ngina geexayé', laqaá afór Mose sleeme nga iiárií qaasi'iiká, sagadiyusmoó AAKOÓ MUNGÚ kudá' aa hara'ayín.

2 WAAWITÁ 21:3

Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

YOBU 31:28

muruuwí sleeme an tlakweésár ur ar sakwasleemár wa hariim, asma geeraawo lama aga tsaát dír Munguú Gáwtí diriia.

TI'INAANGW 22:19

«Heé nee makiito'o naa fuquusiye' a gaasa.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 34:18

Nee múk alqador'eé' gaa geexay, nee hara'ayar'eé' eeharto ga sii', tidá' taa tleéhh geeraaeé' wa alé, inooín in slaqás nee damár taa gaás, kari tla/a feehhiís amorqá' nee tiqá', nee muu iri baraá tla/angwdár waaraáhh.

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 26:15

laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

DABE 17:5

daqaní heesíng laqaá /ameenisíng duuxaak baraá gixsaaro, nee ka tlaqutá' ar tlaa/e ay dír i gwa'.

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.

DABE 29:25

Naagáy muu iri ooi, ‹Asma inooín alqadór AAKOÓ MUNGÚ ngina mayé', Munguú baabi'ii'ín kudá' alqado gaa tleehh qoomár inooín ngiwa baraá yaamaá Misrír wa duúx,

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

Ebrania 10:28

Heé hara'ayár Mose gaa sii', inós gár kuwa hariím a in gwaa', ku gurtlayká, barnaxes múk tsár, laqaá tám, tlakweemaawós gaa lamabu'ún.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

HAR'OHUUSE 2:20

Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.

HAR'OHUUSE 6:31

Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»