DABE 17:19 - Biblía Axweesantá Hhohho' ar Mungú 2004

¹⁹ Dabér taa gooín tari tós, umuú deelooro baraá hotaawós sleémeero ngi soomuusi as inós iwa intsaahhahhan, AAKOÓ MUNGÚ, Munguúwós nguwa ilaiwawa/i, ar loohír dabeedá' sleémeero ngiwa oohi, nee kaahirós sleémeero ngiwa boo/eesi.

DABE 17:19 Iomraidhean Croise

2 WAAWITÁ 22:10

Naagáy Shafani kuduú goousmo waawutmo guri báy, «Hilkia kaahamusmoó Mungú iga kitaábuú i haniís.» Shafani kitaábuudá' guri soomuús dír geeraá waawutmoó wa alé.

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

DABE 11:18

«Axweesantí baraá munerhúng ti qase', nee baraá qeereemoohúng. /Aymi'iiká' tseegaak gawaá dabaahúng i ale, adór laya, nee ki dahasá' gawaá gitsee/erhúng, as tawa gár kuungá' nu inslawtamis.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.