DABE 17:17 - Biblía Axweesantá Hhohho' ar Mungú 2004

¹⁷ Masók waawutmo a heé tlaawoó yaariír gu sla'aaká duuxooro, as aluuwo muunaáwós mukuwa paslís nee /ameenár yaariir, iri dee/anuut. Laqaá tam peésár yaariir, laqaá sahaábuú yaariír munguwa burumburín.

DABE 17:17 Iomraidhean Croise

IIMU/UUNGW 2:24

Adoorí an gár hhawaata baabuúwós nee ayírós ngis geexay, tiri haragwaaiyá' nee hareerós, inooín tari slaqwtá wák tleehhiit.

2 SAMUELI 12:11

Iia qaaseek, AAKOÓ MUNGÚ i kaahi, ‹Qaytsiít, kángw tlákw ngu tleéhh baraá múk do'óguú kilá'. Tlaawaywók unar tláw dír ilaawók wa ale, nee nguri dír inslaawmoowók haniís. Inós nee tlaawaywók tari fuquus dír ilaá múk wa alé.

2 SAMUELI 5:13

Daudi /ameena gana duxuút, nee tana alhoót nee /ameenár aa quturmií qaminká baraá gixsár Yerusalemuro, alaá tindiwa kií/ Hebronír wa ale. /Ameenaarí guna na/aá daaqáy laqwál nee awa dasuwo.

1 WAAWITÁ 10:21

Xooslár waawutmo ar wahaangw a xooslaá sahaábu, nee ar do'duú baraá gartá Lebanoni sleémeero a sahaábuú hhohhó' xooslár taa tleéhh ar peésa i káhh, peésa ka gár kilá' i harafadiitiiká de'emaá waawutmo Solomonuwo.

1 WAAWITÁ 10:27

Waawutmo peésa gari tleéhh adór tlaa/e baraá Yerusalemuro, nee a sahhta adór /aantsír baraá Shefela yaaremaawo.

1 QOM'I 14:3

Daudi baraá Yerusalemuro /ameenár yaariir gana duxuút, na/aá daaqaay nee awa dasuwo gay laqwaál.

2 QOM'I 1:15

Qoomár waawuti'iimár Solomonuwo, peésa nee sahaábu ki ló'wa ur baraá yaamaá Yerusalemuwo, a adór tlaa/e, nee xaa'aá sahhta ki ló'wa ur adór /aantsír baraá Shefela.

2 QOM'I 11:21

Rehoboamu tlaaway ngu kon a mibaá nee dakaát, /ameenár quturmo wasl a mibeeri lahhoó'. Daaqaay ngwaa laqwaál a mibeeri tsár nee dakaát, nee dasu ngu kon a mibeeri lahhoó'. Ma'aka dasír Absalomu gaa ló'wa slaá' baraá tlaawaywose nee /ameenadár quturmo wasle.

NEHEMIA 13:26

Xáy Solomon aa dakuusikáhe as /ameenár adór tí? Inós a waawutmoó úr ta waawituú xoorduuwo slám Munguúwós gwaa slaá', Mungú guri waawutmoó Israeli wa qaás, ala tam adoorihe /ameenadár xoordaá hatlá' guri tlakweemár eér.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

AXWEESANOÓ SAGALOOA 31:3

/Uuruuwók mu fúqtár awaar Tam hikwaawók mi haniisaar dír mukdá' waawitá gwa faak.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Matayo 19:5

iri oó', ‹Gawaá adoorihe hee baabuúwós nee aayoorós gin geexáy, tiri haragwaaiyá' nee hareerós, nee kuká' tsár tari slaqwtá wák tleehhiit.›

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

1 Timoteo 6:9

Ala múk daqaari'iimár leelehhiít, inooín ta dah baraá iiara'at, kuri uhín nee tsaaxwel, asma ilatleerír yaariir ar tlakw nee ar daktu'uuma. Ilatleerirí muu gu /aytís baraá hhitiru'uuma nee qwanaay.