DABE 16:7 - Biblía Axweesantá Hhohho' ar Mungú 2004

⁷ Fu'unaydá' ki humiindá' nee ki /agá' didá' AAKOÓ MUNGÚ Munguúhúng aa tsawaár kuungá' wa ale, matlaatleero ta ki/á' baraá heemaduhúng.

DABE 16:7 Iomraidhean Croise

2 WAAWITÁ 23:23

Ala deeloorí ur ar Pasaáka taa tleéhh dír AAKOÓ MUNGÚ baraá Yerusalemúr wa ale, kawa tleéhh a kurkú mibaá nee dakaát oo waawuti'iimár Yosia.

2 QOM'I 35:13

Deelmoodá' ta gaás as deelór Pasaáka kuri daá/ baraá asla, adoodá' kara oó'. Fu'unaay bahh'alé kina humín baraá hutl'i, nee baraá safuryadu, nee baraá xooslmoó garangariingw, kari gaanslár haniís dír mukdaádú hatlá'.

Yohana 11:55

Deelór ur ar Pasaáka ar múk Yahudi deeloodae aa naká/, nee múk yaariír niri tlatláy ayaaín wa ale, tari tsa/án Yerusalemu, qoomár deeloodár Pasaáka iwa xeeriiká, as tiwa hheehhe'eesiya'.

Yohana 2:13

Nee deeloodae deelór ur ar múk Yahudi, tidár Pasaáka, aa naká/. Yesu iri tsa/án ay Yerusalemu.

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 16:2

Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.

DABE 16:6

Ala ilahhooa hanmiisaak didá' kilós ar AAKOÓ MUNGÚ, Munguúhúng aa tsawaár as umuuwós kuwa didá' wa ateetin, diirí an didá' ilahhooár Pasaáka ar muruú ta tsu/i kawa hanmisa' tsiindoowo, qoomár looa bir darát, qoomaadár kilá' niwa baraá yaamaá Misrír wa ti'iité'.