DABE 16:3 - Biblía Axweesantá Hhohho' ar Mungú 2004

³ Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 16:3 Iomraidhean Croise

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

WARA'AMI 102:9

Asma da/ara an /aáy adór muruú /aymár wa ale. Umuúqo gár ni waha, an hhirhheeraá haraawáh.

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

TI'INAANGW 12:11

Bar /ayiindá' adoorí an tlehhá': An siinootiindá', ya/ataahúng in dahasá' baraá yaií ale, hhadoohúng ngin otá' baraá dabe. Fu'unaydá' kiri /agá' ar gaanslaay, gaa a Pasaákuú AAKOÓ MUNGÚ.

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 12:39

Muruú /aymár taa amohhe'eés i kaahh qoomár tawa tlatlay asma kararaslaay, ala mikaáte ngina tleehhiyé' ar puuruúdá' taa sluuftisiiká.

TI'INAANGW 12:8

Fu'unaydá' ki /ayi xweeraadaá kilae, masók kaa daá/, ki /ayi dinkwa nee mikaátér ta sluuftisiiká nee naanuú manákw.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

ISAYA 52:12

Asma kuungá' a gaanslár tleera'aaká, nee sleeme a ti'i'inda'aaká, asma AAKOÓ MUNGÚ i geeraahúng haar nee Munguú Israeli i aluuhúngí dirii' as nuwa xun.

TLAHHOÓ LAÁWI 23:6

Bál mibaá nee kooán ar slahhangwduú kilá' deelór ur ar mikaátér taa sluuftisiiká in iimu/uún. Deelo faanqw mikaátér taa sluuftisiiká an /agá'.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

FAARO 28:17

Bál mibaá nee kooán ar slahhangduú kilá' a deelór ur ar mikaáteédá' taa sluuftisiiká kawa /aga' ay deelo faanqw.

FAARO 9:11

heé adoorí slahhángw tsár bar mibaá nee tsiyáhh qoomár tsiindoowo deelór ur ar Pasaáka ngi /ayi, dinkwa nee mikaátér taa sluuftisiiká nee naanuú qarqaár.

Luka 22:19

Aluuwo mukatmo guri óh, iri sluufiís, guri parhhamiís, guri dir'ín i haniís iri oó', «Gaarí a slaqwte'eé' [ar tinda haniís as kuungá'. Adoorí tlehhiitaak as inslaslangw'eé'.»

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

DABE 16:2

Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' oo Mungú naa haniís.

YOSHUA 4:7

Kuungá' ki beera', ‹Sandakmooduú alqadór AAKOÓ MUNGÚ kuwa waarahhamisi yaaér Yordaniro, ma'aá yaaér Yordani nina tla/a qasiitiyé'.› As adoorí tlaa/eeká' an inslaslángw tlehhmuuwí dír xoorór Israeliwo ay kureeraá kureér.»