DABE 16:22 - Biblía Axweesantá Hhohho' ar Mungú 2004

²² Nee tlaa/a ma sihhtisaara' as munguaá hatlá' kiwa sluufmisa', kudá AAKOÓ Munguúhúng i waki.»

DABE 16:22 Iomraidhean Croise

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

2 WAAWITÁ 17:10

Gawaá umuú gongoamoowo nee dír kiintuú loo/ór naá/ koóm, uheemaá tlaa/e nee murslaaqatuú munguúduú /ameeni ta bay Ashera nguna tleehhiyé'.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 34:13

Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

TLAHHOÓ LAÁWI 26:1

«Slaqsa'aá mungui mi tleehhara', slaqsoó taa hhaásl mu sihhtisaara', laqaá uheemi, laqaá slaqsoó tlaa/aá taa hhaásl baraá yaamuhunge, nee mu i tumbarara'amitara'. Aníng an AAKOÓ MUNGÚ, Munguúhúng.

SEKARIA 8:17

Laqaá heehúng gár tlaakw mingiwa aldakuút baraá muunaáwose daanduú inslaawmoowose laqaá lo'ór lama ma sla'aara', asma tí sleémeero an tidá' ni ahhiit. Anuú AAKOÓ MUNGÚ tí ngina oó'.»

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

DABE 4:16

Ma hhitiruutara' ar slaqsa'aá munguaá tawo kiwa dakuta', laqaá slaqsoó adór hhawaata, laqaá oo adór /ameeni,

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

Geehhoeemaá 2:15

Nee slám malé alé kuúng mukko u koón oo intsaahhatimisuú múk Nikolai gu eeharahaár.

Geehhoeemaá 2:6

Ala kuúng garka hhoo' aga tléhh, asma kuúng tlehhema'aá múk Nikolai iga áhh. Aníng sleeme tlehhemi'ii'ín iga aáhh.»