DABE 16:20 - Biblía Axweesantá Hhohho' ar Mungú 2004

²⁰ Muruú ganaá' kilós na ló'wa harmagahhaak kuwa tleehhi as kahhó' tawa hota' baraá yaamaá AAKOÓ MUNGÚ, Munguúhúng ni haniisi.

DABE 16:20 Iomraidhean Croise

AXWEESANOÓ SAGALOOA 11:19

Heé gan'amu tlehhtuuwo baloó mune siasiaaká in slafaafín, Ala heé baraá tlakweemaá wa kumamiít i gwaa'.

ESEKIELI 18:5

«Hee barnaxes i gan'amuú kón, inós bar muruú ganaá' gu tlehhiit nee oo qoóm,

ESEKIELI 18:9

barnaxes inós kaahir'eé' ga eeharahar nee hara'ayar'eé' gaa kángw kilá' wa iialooeés, heewí i gan'amuú kón, nee inós i tsuwa hoot.› Anuú Aakoó MUNGÚ tí ngina oó'.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

DABE 16:21

«Qoomár kitángw ilahhooa bura tlehhé' as AAKOÓ MUNGÚ Munguúhúng, uhmoó ta sluufmiisi oo slaqsoó munguú Ashera mu tleehhara' bihhaá kitangwduú ilahhooa.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.