DABE 16:2 - Biblía Axweesantá Hhohho' ar Mungú 2004

² Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.

DABE 16:2 Iomraidhean Croise

2 WAAWITÁ 23:21

Waawutmo muu guri báy, «Deelór Pasaáka ar AAKOÓ MUNGÚ, Munguúhúng na amohhe'eemisaak adoodá' kara gooín baraá kitaábuuwí oo alqadoro.»

2 QOM'I 35:7

Waawutmo Yosia muu guri deeloó bee/aangw nee oo aaraawo guna haniís, as tawa ilahhooár deelór Pasaáka, dinkwaaro a kume mibeeri tám, nee awe kume tám. Muruuwí sleémeero kunguna doó waawutmoó wa haniís.

FAARO 9:2

«Múk Israeli deelór ur ar pasaáka ngi tleehhiye' qoomaadá' taa qoomeesi.

Matayo 26:17

Baalár deelór geera ar deeloodá' ur ar Mikaátér taa sluuftisiiká, Yesu eeharuuseerós guri i daqeér guri beér, «Dír kuúng ta sla' a diimá ar muruú /aymár Pasaáka kway amohhe'eesaan?»

Matayo 26:2

«A xuá' deelo tsár bira waaráhh, a deeloodár ur ar Pasaáka, nee Garmoó Hee ku sakii/ as kuwa kikii'i.»

Marko 14:12

Bál iimu/úngw deelór ur ar Mikaáteedá' taa sluuftisiiká, nee ar deelmoó bee/i oo Pasaáka kuwa gaás, eeharuuse Yesu guna yaahás, guri beér, «Dír ta sla' a diimá ar ta amohhe'eesaan ar muruú /aymár Pasaáka kuwa /ak?»

Luka 22:15

Giri báy, «Aga kángw kilá' wa slaá' muruú /aymaarír Pasaáka nguwa al/ayaan dinkwa nee kuungá', dír slahh'emisuueé' nira xayká.

Luka 22:8

Yesu Petro nee Yohane giri ya/aáw giri báy, «Tlawsé', muruú /aymár Pasaáka amohhe'eesaak as kuwa /ayaan.»

1 Korinto 5:7

Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:14

ala aqo har didá' AAKOÓ MUNGÚ aa tsawaár baraá tlahhoó wák wa ale baraá tlahhi'iihunge, diirí an didá' ta ilahhooár dá/tí hanisá', nee an didá' muruuduú hatlá' sleémeero kuwa tlehhita', kudá' naa kuungá' báw.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:26

Ala qeemuudá' hhohhó', kudá' ta hanmisa' nee ilahhooadár al'axweesanto, ki hubá' didá' AAKOÓ MUNGÚ aa tsawaár.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 15:20

Umuuqo kurko kuúng nee múk do'oge fu'unaá makayká' in dír geeraá AAKOÓ MUNGÚ, Munguúhúng wa /agá' didá' AAKOÓ MUNGÚ aa tsawaár.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.