DABE 16:19 - Biblía Axweesantá Hhohho' ar Mungú 2004

¹⁹ Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

DABE 16:19 Iomraidhean Croise

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 23:2

Boo/oó muu oo tlakweemaá tlehhtuú áw mu eeharaharaar, sleeme miti alkoomara' nee boo/aydá' lamabu'úngw lama gu duuxár áw baraá kwasleema as gan'amuú hee nguwa qwaareesiya'.

TI'INAANGW 23:3

Narkutmo mu gurií ba/aar baraá kwasleemarose as adoodá' tawa narkutmo.

AXWEESANOÓ SAGALOOA 15:27

Heé slaasláwár ilatleeruús ar loohír gana'aaká, múk do'ós gu baambeeúy, Ala heé slukuma ga sla'aaká i hoot.

AXWEESANOÓ SAGALOOA 17:23

Heé tlaákw slukuma gan oh ar naaqo, as kahhó' tlehhmuú ganaá' oo hee kuwa warqeesi.

AXWEESANOÓ SAGALOOA 18:5

Heé tlakweemaá tlehhiít kuwa ilamurut i qoondaaká, tam hariímár heé ganaá' kawa /itiin i qoondaaká.

AXWEESANOÓ SAGALOOA 24:23

Axweesanaywí sleeme oo múk sagelooén, baraá kwasleemaro barqaanti i qoondaaká.

AXWEESANOÓ SAGALOOA 24:28

Inslaawaywók mu tawo daandeemo axweesaar, tam afkoge lama ma kaahaar.

AXWEESANOÓ SAGALOOA 31:5

Asma kahhó' dabe mingiwa gunqareesiyé', As kahhó' kwasleemár heé slahhahhaá' makawa hhitín.

DAHARUSMO 7:7

Heé sagaloó' hee burngwa /aytín, taa kilós daktu'úy, slukma /ayma i sagalooár hingeemís.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Tlehhema'aá ya/Abuuse 16:37

Paulo giri báy, «Atén tina muúx dír geeraá múk wa aleeró, ala atén taa sakwasleemuutiiká. Nee atén a múk Roma. Slám atén tina kwahhiyé' baraá doó tseegamo. Nee hám qaytsiít, ti qawtí duuxár wa slaiyá'. Adoorí i ya/aandaaká. Inooíná kilá' ni hardihiye', atén ti duuxár aye'.»

Tlehhema'aá ya/Abuuse 23:3

Paulo iri oó', «Mungú kuúng u slaahh, asma kuúng a adór koo/ír taa hhoohhoeés ar busla. Kuúng ana iwít as aníng iwa sakwasleemut ar adoodá' hara'aya i kat. Ala kuúng a kat, ‹Muxaak.› Gawaá adoorihe kuúng hara'aya aga sí'.»

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»

DABE 27:25

«Umuúqo heé ta bui as heé dakuúsár koomaaká nguwa gaasi, kwaa lu'ús.» «Nee muu sleémeero ta ooi, Amin.»

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 8:1

Qoomár Samueli iwa dín, daaqaywós guna har'ohuusér múk Israelír wa qaás.

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.