DABE 16:18 - Biblía Axweesantá Hhohho' ar Mungú 2004

¹⁸ «Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

DABE 16:18 Iomraidhean Croise

1 QOM'I 23:4

Waawutmo Daudi baraá tla/ángw mukdae múk kume mibeeri tsár nee tsiyáhh guri qaás gadiyér Doó AAKOÓ MUNGÚ ngiwa sagesihhmitiya'. Múk kume lahhoó' a geeraharuuse nee har'ohuuse,

1 QOM'I 26:29

Baraá daaqoó Ishariwo Kenania nee daaqaywós kina geeraharuusér wa qaás nee har'ohuusér múk Israeli.

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 21:22

«Barnaxes hhawaataá tsár taa ayé', oo wák dir'ine /ameenír tsiiháy gay slahh'eés, tam gura' guri kwáhh, ala slahh'amuú hatlá' i geerií koon i kaahh, heewí gaa slahh'ees aqo ku doohhiis adoodá' hhawaatuú /ameenidá' ngir ooi, nee adoodá' har'ohuuse i o'.

TI'INAANGW 21:6

daqaní heedaádá' i lawaali'iít lawaalmoodá' ngu huwi dír geeraá Mungú, dír afkú do', laqaá dír nahhtá afkú do', nee kuri iia fooxiis nee aakoowós ar muqsli. Inós tari lawaalmoó heedaádá' slafiingós sleémeero.

AXWEESANOÓ SAGALOOA 31:23

Hhawaatuuwós u dakuská baraá tla/ángw muko Bira amór bariisér aykú káy.

Matayo 5:21

«Kuungá' aga axasé' bariisér bál geera adór kara báy, ‹Hee mu gaasaar. Hee bar hee ngwa gaás, gár kuwa hariím a kun sakwasleemuut.›

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

DABE 16:17

Umuú heewo gaa ngi haniisi ar adoodá' AAKOÓ MUNGÚ, Munguúhúng nura tsuúq.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

DABE 17:9

Daqaní ta hardatá' dír kaahamuusér Mungú ar tlahhoó Laáwi, nee dír har'ohusmoó qoomaasinge baraá gadiyeédí dirií', kuungá' kaangw ku dir'íní oá'. Inooín kwasleemaadá' ngi tsatiyá'.

DABE 21:2

bariiserhúng nee har'ohuuserhunge didá' tuua i diri' ngi xuxuiye', áx saweemaawo dír gixsadaá isaapaydae.

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.

1 SAMUELI 8:1

Qoomár Samueli iwa dín, daaqaywós guna har'ohuusér múk Israelír wa qaás.