DABE 16:11 - Biblía Axweesantá Hhohho' ar Mungú 2004

¹¹ Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:11 Iomraidhean Croise

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

Yoeli 1:16

Xáy, muruú /ayma aa qwaáriíke dír ilaarén wa alé? Tam qwala/ nee qaseengw naa qwaarií'iíke baraá Doó Munguúrene?

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

2 korinto 1:24

Atén a sla'anaaká kuungá' nuwa hara'ayiimaan, daanduú haratlintaoorhunge. Ala atén nee kuungá' an algadiyuusaán as qwal/uuhúng, asma kuungá' aga kwa/é' baraá haratlintaaorhunge.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 16:10

Aluuwo deelór ur ar wiikidu ka boo/esá' as AAKOÓ MUNGÚ, Munguúhúng kuwa ilaiwawa/a' ar ilahhooár sla'aari kawa hanisa' ar harqoomoó adoodá' AAKOÓ MUNGÚ, Munguúhúng nura tsuúq.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

DABE 26:11

Kuúng nee múk do'oge hhooeemaadá' sleémeero AAKOÓ MUNGÚ, Munguúwók nuy tleéhh, saqwalalaa/aak dinkwa nee tlahhoó Laáwi nee hoomoó ayaahúng hoota.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.