DABE 16:10 - Biblía Axweesantá Hhohho' ar Mungú 2004

¹⁰ Aluuwo deelór ur ar wiikidu ka boo/esá' as AAKOÓ MUNGÚ, Munguúhúng kuwa ilaiwawa/a' ar ilahhooár sla'aari kawa hanisa' ar harqoomoó adoodá' AAKOÓ MUNGÚ, Munguúhúng nura tsuúq.

DABE 16:10 Iomraidhean Croise

1 QOM'I 29:14

«Ala aníng a gár milá, nee tam muk'eé' sleeme a gár milá, tam atén muruuwí nguri aleeslawaán haniisaro ar muunuú /awaák, asma umuú gaaro amoorók ngin dáhh, baraá muruuwí amoorók dahha, atén kuúng una muruuwí hanisaán.

2 QOM'I 31:14

Kore garmoó Imna heé tlahhoó Laáwi, kuduú xuumusmoó afkú do' oo da/aáw oo Doó Mungú. Inós a sagesihhitusmoó muruudá' muu na huwahuúw ar sla'aarir'ín dír AAKOÓ MUNGÚ, nee qasmisuú muruudá' taa hanmiisi dír AAKOÓ MUNGÚ, nee ilahhooadá' ló'wa hhohho'.

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

Yoeli 2:14

Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

TLAHHOÓ LAÁWI 12:8

«Barnaxes deelmoó bee/i ku aleeslayká haniisaro, hhookár tsár ka huwi, laqaá na/aá hhooka awa tsár, ar wák as ilahhooár da/a, nee ar hatlá' as ilahhooár tlakweema hingeesa. Kaahamusmoó Mungú haraki/isa gari tleehh, inós iri hhoohhoouúr.»

TLAHHOÓ LAÁWI 23:15

«Iimír baalaadár alaá Sabaátoro, tidá' ilahhooár ufuú balaangw kunguwa gáwtí tleés, as kunguwa haniisi dír anuú AAKOÓ MUNGÚ, wiikidaá faanqw awa ádkoomá' in fadá'.

TLAHHOÓ LAÁWI 25:26

Ala bar heesíng i hhiyoó konká oo hhapeerós ga tuú/, aluuwo iri daqaari'iít aleesleemu gway sláy oo hhapeerós ngiwa tu/i,

TLAHHOÓ LAÁWI 5:7

«Ala barnaxes dareemír bee/i ga aleeslayká hanisaro as tawa ilahhooár dakuúsarós hingeesa, as tlakweemaá aa tleéhh, inós hhookár tsár ngi haniisi, laqaá na/aá tsár awa hhooka, oo wák as tlakweema hingeesa, nee oo hatlá' tawa ilahhooár da/a.

FAARO 28:26

«Baalár bu'úngw geeraawo qoomár kuungá' AAKOÓ MUNGÚ burngwa ilahhooár balángw /abén i hubé', ar deelór ur ar wiikidu, baalaadae dinku'uumár hhoohhoo' ka tlehhá' nee ma gadiyuusara'.

FAARO 31:28

Dír boohhadár mukdá' slaqwarár dahha, gár wák baraá tsiire kooane paraatleek tawa ar AAKOÓ MUNGÚ. Dír boohhár muko, laqaá hikwa, laqaá daqwaaye, laqaá ar bee/aangw, laqaá ar aara,

FAARO 31:37

Baraá muruuwihe oo taa dír AAKOÓ MUNGÚ i haniís a bee/aangw tsiire lahhoó' mibeeri faanqw nee kooán.

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

2 korinto 8:10

Gár án ni kah a tí, a tsiní dirhunge gadiyeérí kurkú /isá' taa iimu/uundé' kawa alhhe'esa' daxta. Kuungá' a múk aa giirin tleehhamooro, ala a baraá tleehhamo kiloseeká, ala sleeme ana giiriindé' kawa sla'a' tleehhamooro.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:9

«Kuungá' wiikidaá faanqw faaraak. Faaro dír kawa iimu/uunda' a qoomár fiiqit bura iimu/uundé'.