DABE 15:7 - Biblía Axweesantá Hhohho' ar Mungú 2004

⁷ «Barnaxes heé narkutmo i deer baraá tla/ángw hhaeehunge, baraá gixsár wake, baraá yaamuudá' AAKOÓ MUNGÚ Munguúhúng ni kuungií haniisi, ma qahuuse tleehhitaara' laqaá ma /akuuse tleehhitaara' dír hhaeehunge.

DABE 15:7 Iomraidhean Croise

NEHEMIA 5:1

Aluuwo qununu/oó yaariír nina dáh baraá tla/ángw muko, hhawaate nee /ameenaaro nina qununu/iyé' as hhaeeín awa Yahudi.

ESTA 9:19

Gawaá adoorihe, múk Yahudi kuduú baraá ayeemo nee baraá gixsadaá koo/ír gawit ngi kooma'aaká, deeloorí kana óh, ar mibaá nee tsiyáhh slahhángw Adari, tawa deelór muruú /ayma nee qwala/ nee deelór tiwa qeemií ya/abitiya'.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

TI'INAANGW 22:25

«Narkutmo bura kirkitís mu iinuusaar, laqaá aldaafír peésaadá' ma iinuusaar.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 21:13

Heé iaawós gaa ditsií dahaas as /aa/aá narkutmo mingiwa axaás. Inósuú kilá' sleeme i baala wa /aa/, ala heé gu iiárií qaás i kaahh.

ISAYA 58:10

Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

TLAHHOÓ LAÁWI 25:35

«Barnaxes hhiyaawók a narkutmoó ti aleeslawaaká amohhe'eemisuuwo, a gár hariim kuwa amohhe'es as iwa kumiiti slafiingo, amohhe'eemiseek tawa adór dahaaymo nee aausmo diroge.

Matayo 18:30

Ala inós kangwdá' gwa ya/aniká, guri tseegár áy, ay dír iinaadá' ngi bui.

Matayo 5:42

Heé kuúng u fiririím qaweek, nee heé kuúng u kirkiít mu /itaar.»

DABE 15:11

Asma múk narkuute i baloó kahhiiká baraá yaamuwo, gawaá adoorihe, aníng kuungá' nun babaw, kuungá' masók hhaeehúng kudaá narkuute baraá yaamuuhunge in /iimisá' ar muunuú /awaák.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

DABE 24:14

«Heé ta bu'un oo narkutmo nee oo aleemaá kooma mu hara/uuntsimaar, tam heé Israeli, laqaá hoomoó ayaahúng hoót.