DABE 15:20 - Biblía Axweesantá Hhohho' ar Mungú 2004

²⁰ Umuuqo kurko kuúng nee múk do'oge fu'unaá makayká' in dír geeraá AAKOÓ MUNGÚ, Munguúhúng wa /agá' didá' AAKOÓ MUNGÚ aa tsawaár.

DABE 15:20 Iomraidhean Croise

TLAHHOÓ LAÁWI 7:15

Fu'unaá sleedá' taa ilahhooár waydú wa gaás, tidá' taa ilahhooár wa haniís dír Mungú, aqo kin /aay baalaadár kilae, ki mayká ay matlaatle.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:14

ala aqo har didá' AAKOÓ MUNGÚ aa tsawaár baraá tlahhoó wák wa ale baraá tlahhi'iihunge, diirí an didá' ta ilahhooár dá/tí hanisá', nee an didá' muruuduú hatlá' sleémeero kuwa tlehhita', kudá' naa kuungá' báw.

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.