DABE 15:19 - Biblía Axweesantá Hhohho' ar Mungú 2004

¹⁹ «AAKOÓ MUNGÚ, Munguúhúng awér hikwaahúng nira barisiyé' nee gwaandaawér bee/angwhúng ira barís ti hanise', aweerí mar gadiyuusara', nee gwaandaaweesíng ma se'eengw tlaaqara'.

DABE 15:19 Iomraidhean Croise

TI'INAANGW 13:12

Na/aá daaqaay sleémeero awa baris paraatlaak as AAKOÓ MUNGÚ, nee yaqaambe sleémeero ar baris ar makaá ta de'en.

TI'INAANGW 13:2

«Na/aá baris sleémeero paraatleek, asma na/aá baris sleémeero awa múk Israeli nee awa makaywo a kwe'eé'.»

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 22:30

Adoorí an tlehhá' sleeme dír na/aá baris awa hikwaahúng nee awa bee/angwhunge. Na/oó slee in dír aayírós wa du'ún deelo faanqw, bál dakaate ngu aníngí haniisá'.

TI'INAANGW 34:19

«Umuúqo gár tindira barisi a te'eé', makaá yaqaambe baraá hikwaawoge nee baraá bee/aangoge, gár tindira barisi a te'eé'.

TLAHHOÓ LAÁWI 27:26

«I hariindaaká na/oó baris oo slee, laqaá oo bee/i kuwa paratl, asma hariimaro kwisíng oo AAKOÓ MUNGÚ.

FAARO 18:15

«Umuú na/oó baris kudá' múk Israeli ni aníng i haniisi, bar an na/oó baris oo hee laqaá oo makiito'o, a kók. Ala na/oó baris oo hee i harín kuwa tu/, nee oo baris oo makiito'ór ta harmeetin i harín kuwa tu/.

FAARO 18:17

Ala tsa/eetaá baris awa hikwa, laqaá deeloó baris oo bee/aangw laqaá oo aara mi tu/aar, kuká' ki hhohho'. Tseerer'ín ka tsipipi'ís gawaá kitángw ilahhooa, nee wahhnar'ín ka dá/ as tawa ilahhooár slaahhareeriiwós anuú AAKOÓ MUNGÚ i sla'atamiisá'.

FAARO 3:13

asma na/oó baris baraá Israeliwo a kwe'eé'. Qoomár na/aá baris ngiwa tsuú/ sleémeero awa múk Misri, aníng na/aá barís ina paraátl baraá Israeliwo, umuú na/oó baris oo hee laqaá oo makiito'oro. Inooín a kwe'eé'. Aníng an AAKOÓ MUNGÚ.»

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.

DABE 15:18

Kuúng ma siaar lawaalmoowók kuwa gwet, asma inós kuúng ugwa sagadiyuús kureeri lahhooe, gaarí a tlaqtá bu'utuú sagadiyusmoó ta buaain. Kuúng adoorí tleehheek, AAKOÓ MUNGÚ, Munguúwók u tsuuq baraá umuúqo gár ta tlehhita.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.