DABE 15:17 - Biblía Axweesantá Hhohho' ar Mungú 2004

¹⁷ naagáy daqaní ku húp ay dír afkú do', iiarós ka laqwtár mút gawaá peehhír afkú do', inós tari lawaalmoowók oo daqisleém. Sleeme tam lawaalo'o adoorír kilá' ti laq.

DABE 15:17 Iomraidhean Croise

TI'INAANGW 21:5

Ala lawaalmoodaádá' bar ngaa gwa/aateés ooaro, iwa kaahi, ‹Aníng aakooeé' u slaá', nee harer'eene nee na/iieene', a sla'aaká tiwa gweeri,›

TI'INAANGW 21:6

daqaní heedaádá' i lawaali'iít lawaalmoodá' ngu huwi dír geeraá Mungú, dír afkú do', laqaá dír nahhtá afkú do', nee kuri iia fooxiis nee aakoowós ar muqsli. Inós tari lawaalmoó heedaádá' slafiingós sleémeero.

DABE 15:16

«Ala barnaxes kuúng ugwa báy, ‹Aníng dír do'oge a tlawaaká,› asma inós kuúng u slaa' as hotaá hho' ngiwa sláy,

DABE 15:18

Kuúng ma siaar lawaalmoowók kuwa gwet, asma inós kuúng ugwa sagadiyuús kureeri lahhooe, gaarí a tlaqtá bu'utuú sagadiyusmoó ta buaain. Kuúng adoorí tleehheek, AAKOÓ MUNGÚ, Munguúwók u tsuuq baraá umuúqo gár ta tlehhita.

1 SAMUELI 1:22

Ala Hana aa daqeeriiká, asma hhawaatuuwós guna beér, «Aníng a daqawaaká ay dír na/ay'eé ngway /oomees, daqaní ngun sangw huúw, as iwa hardihi dír geeraá AAKOÓ MUNGÚ, as iwa didá' wa hooti daqisleém.»