DABE 15:14 - Biblía Axweesantá Hhohho' ar Mungú 2004

¹⁴ Tidá' AAKOÓ MUNGÚ kuúng ura tsuuqi qaweek adoodá' muunaáwók ira qwalaá/, baraá muruuwók oo de'engo nee balaangoge, nee baraá difaáiroge.

DABE 15:14 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 68:10

Xooroorók hotangw'ín guna baraadá' wa sleér. Mungú, kuúng kudaá liitlakuuse ina qeér ar hhooeemaawók.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

DABE 15:13

qoomár kuúng bura gwét, miwa dákw kaahaár ar tláy.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.