DABE 15:10 - Biblía Axweesantá Hhohho' ar Mungú 2004

¹⁰ Heé narkutmo tu/aak ar muunuú /awaák, bura tú/ ma qunuunu/aar, asma adoorí bara tlehhé', AAKOÓ MUNGÚ, Munguúhúng kuungá' nu tsuuq baraá gadiyeduuhúng sleémeero awa taqo tlehhita'a.

DABE 15:10 Iomraidhean Croise

AXWEESANOÓ SAGALOOA 22:9

Heé gurhhoó' ku tsuuq. Asma inós nee narkutmo muruú /aymar'ín a emto.

DAHARUSMO 11:1

Kuúng masók tu gurhhoó', asma alaá deelór niinawe tu buu'.

ISAYA 32:8

Ala heé ta ilaiwawa/i gár i leelehhiiti a ilaiwa/ame, nee inós muruú ilaiwa/ame gun aleekalaa/.

ISAYA 58:10

Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

DABE 14:19

«Nee ba'ár nee daa'aweemoowós sleémeero mi /ayaara', dirhunge ki ló'wa waak.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 15:18

Kuúng ma siaar lawaalmoowók kuwa gwet, asma inós kuúng ugwa sagadiyuús kureeri lahhooe, gaarí a tlaqtá bu'utuú sagadiyusmoó ta buaain. Kuúng adoorí tleehheek, AAKOÓ MUNGÚ, Munguúwók u tsuuq baraá umuúqo gár ta tlehhita.

DABE 15:4

«AAKOÓ MUNGÚ, Munguúhúng kuungá' nu ló'wa tsuuq baraá yaamuudá' ni kuungá' i haniisi as kiwa ala'. Slám baraá tla/angwhunge heé narkuút i kaahh tumu wák,

DABE 23:20

Kuúng gaa bara kirkitís dír heé xoordaá hatlá', aldaafi iinaaro a aleesleér, ala dír hhiyaawók oo heé Israeliro aldaafi ma leelehhitaar, nee AAKOÓ MUNGÚ, Munguúwók u tsuuq baraá umuúqo gár ta tlehha, umuúqo dír tay hotaá eera nee kawa al.

DABE 24:19

«Qoomár bar qamuuhúng fiqitá', ufeedá' taa gunqaaresé' baraá qaymoórí ale, ma leehhara'. Tidá' aa met an meerá' as hoomár ayaahúng hoot, nee na/aá panaay nee /ameenár kwaeeli, as AAKOÓ MUNGÚ, Munguúhúng nuwa tsuuqi baraá gadiyeduuhúng sleémeero.

DABE 28:8

«Tsuuqaá AAKOÓ MUNGÚ meeweduuwók ngi dalaa/iyá', nee gadiyerók sleémeero ga tsuuq. AAKOÓ MUNGÚ, Munguúhúng kuún u tsuuq baraá yaamaá uy haniisi.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.