DABE 15:1 - Biblía Axweesantá Hhohho' ar Mungú 2004

¹ «Umuú kurkú faanqwe alhhe'eesaywós bira xáy, muu sleémeero kudá' kuungá' ta iinusa' un gurtleerá'.

DABE 15:1 Iomraidhean Croise

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

TI'INAANGW 21:2

Lawaalmoó Ebrania bar ugwa tláxw, u sagadiyuusi kureeri lahhooe. Ala kurkú faanqwe geemaweek sleeme bu'utu mu iinuusaar.

YEREMIA 34:14

umuú kurkú faanqwe, umuú heewo dirhunge, hhiyaawós oo Yahudi kudá' ta dirósí weeriís, aqo gun gweer alaá lawaali'iimár kureeraá lahhooe. Kár ala baabi'iihúng tidá' aníng ngaa báw, ngaa axasi'iiká, nee ngaa iiárií qaasi'iiká.

DABE 15:2

Adoorí na /iisaak: Umuú heewo barnaxes hhiyaawós gu iinuus, iinaadá' ngi gurtlay, laqaá tam mingiwa iiár iinaro, asma AAKOÓ MUNGÚ inósuú kilá' iinadá' gaa slaá' gurtleemuuwo.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

DABE 31:10

Mose inooín giri báy, «Umuú kurkú faanqwe, qoomaadá' taa qaás as múk lawaale gwedit deelór ur ar isleeri,