DABE 14:29 - Biblía Axweesantá Hhohho' ar Mungú 2004

²⁹ Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 14:29 Iomraidhean Croise

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

WARA'AMI 41:2

AAKOÓ MUNGÚ inós gu xún, nee slafiingós guri amohhe'ees, inós kuri bay a heé amohhoó' baraá yaamuwo. AAKOÓ MUNGÚ, kuúng inós u meeraaká baraá dabaá wakuuseerósí aleeró.

WARA'AMI 94:6

Inooín ta kwaeelaá tsuu/ nee dahaayeero, panaay kun tsuu/ sleeme.

AXWEESANOÓ SAGALOOA 11:24

Heé gurhhoó' muruuwós hanmisuuwo, daqaari'iimarós in ak doogiín. Ala /akusmo in ak narkuut.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

FAARO 18:20

AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 14:27

«Múk tlahhoó Laáwi oo baraá tla/angwhúng i dirií' mu gunqareesara', asma inooín gár ta kon i káhh, laqaá gár i aaliya' i káhh dír tla/angwhunge.

DABE 15:10

Heé narkutmo tu/aak ar muunuú /awaák, bura tú/ ma qunuunu/aar, asma adoorí bara tlehhé', AAKOÓ MUNGÚ, Munguúhúng kuungá' nu tsuuq baraá gadiyeduuhúng sleémeero awa taqo tlehhita'a.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

DABE 23:21

«Qoomár al'axweesani bara qás dír AAKOÓ MUNGÚ, Munguúhúng, boo/eesaro ma tligaar, asma AAKOÓ MUNGÚ, Munguúwók ga dirók i iinuus, aluuwo kuúng a dát baraá dakuús.

DABE 28:8

«Tsuuqaá AAKOÓ MUNGÚ meeweduuwók ngi dalaa/iyá', nee gadiyerók sleémeero ga tsuuq. AAKOÓ MUNGÚ, Munguúhúng kuún u tsuuq baraá yaamaá uy haniisi.

DABE 6:11

Maraay muruú hhohhooe i hatsiyá' oo kuungá' taa qasi'iiká, hhaleeraá ma'aay awa kuungá' taa foli'iiká i dayá', nee qamaá sabiíbu nee awa seituúni, awa kuungá' taa dahasi'iiká i dayá'. Qoomár AAKOÓ MUNGÚ kuungá' burna dahaás baraá yaamuudá', muruú /aymár umuúqo daa'awto un /agá' tari axá'.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.