DABE 14:27 - Biblía Axweesantá Hhohho' ar Mungú 2004

²⁷ «Múk tlahhoó Laáwi oo baraá tla/angwhúng i dirií' mu gunqareesara', asma inooín gár ta kon i káhh, laqaá gár i aaliya' i káhh dír tla/angwhunge.

DABE 14:27 Iomraidhean Croise

FAARO 18:20

AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 18:12

Asma heé adór kwí i AAKOÓ MUNGÚ buhhtamis, nee as daanduú tlehhmi'iiká' buhhtamisa'a, AAKOÓ MUNGÚ, Munguúhúng xoordaá adoorí /imaamisá' gin geerahúng wa guus.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.