DABE 13:6 - Biblía Axweesantá Hhohho' ar Mungú 2004

⁶ «Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

DABE 13:6 Iomraidhean Croise

IIMU/UUNGW 16:5

Sarai Abramu guri beér, «Slasla/aruuwí aníng iga slay masók i gawaawók. Aníng sagadiyuso'or'eé' ngina haniís, ala inós ngiwa aán a tsiiháy, aníng daxta iga waaqá'. Ala AAKOÓ MUNGÚ sakwasleema ngi tsati dír án nee kuunge.»

2 SAMUELI 1:26

Hhiyaeé' Yonátan, aga gurhaamuút as kuúng. Án nee kuúng tin oohaán baraá hotarene, sla'aarirók dir'eene a gár waa/oo/amo, a gár waa/oo/amo ta sla'aarír /ameeni ba/a.

1 WAAWITÁ 18:40

Eliya muu guri báy, «Aaruusér Ba'ali sleémeero ohiimare', tam oo wák miwa kotsqoót.» Naagáy sleémeero kiri ohín. Eliya giri huúw baraá yaaér Kishoni, giri tsuú/ baraadií ale.

2 WAAWITÁ 11:18

Muu sleémeero oo yaamuudá' tana tláy doó Ba'ali kuri feé/, kitangwduú ilahhooa nee murslaaqatudá' taa tleéhh kuri naasúy, Matani kaahamusmoó Ba'ali kuri gaás dír kitangwduú ilahhooa kawa hanmaamisi. Kaahamusmo Yehoyada xuumuuse gari qaás as doó AAKOÓ MUNGÚ kuwa xun.

2 QOM'I 15:13

Ala umuúqo heewo oo AAKOÓ MUNGÚ, Munguú Israeli, gu leelehhiitaaká, ta masoomo laqaá ta heé aa urayi, laqaá ta hhawaata laqaá ta /ameeni, gár kus hariím aqo gaasa.

2 QOM'I 23:17

Aluuwo muu sleémeero tari tláy, doó munguúdá' ta bay Ba'ali kway feé/, kiteeridaá ilahhooa nee slaqsaydaá taa tleéhh kiri giqáy, tam Matani kuduú kaahamusmoó Ba'ali kuri gaás didár kitangwduú ilahhooa.

YOBU 31:27

nee muunaáeé' iri qawti warqáy as ngiwa sluufmisi, laqaá aníng dabaaeé' ngiri ma'aás as inooín ngiwa ilaiwawaa/,

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 32:27

Giri báy, «AAKOÓ MUNGÚ Israeli i kaahi, ‹Umuúqo heewo paángarós ngi taataahhi, umuú heewo afkú xafi ngur waaraahhi baraá xafaywihe, umuúqo heewo hhiyaawós ngu gaasi, nee mulqumoowós ngu gaasi, nee inslaawmoowós ngu gaasi.› »

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

AXWEESANOÓ SAGALOOA 5:20

Garmaaeé', ahaá a milá mas an tawo qwalaalá/ amór /ameenír sli'imuso'o? Ahaá mas an dahaayo'ór ma'amís?

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

YEREMIA 28:16

Gawaá adoorihe AAKOÓ MUNGÚ i kaahi, ‹Aníng kuúng u hingeés baraá daanduú yaamuwo. Kuúng kurkú kilae an gwá', asma muu ugwa al/ák, AAKOÓ MUNGÚ nguri si'iyé'.› »

YEREMIA 44:3

Adoorí ina tleehharút asma tlakweemadá' inooín taa tleéhh, aníng ina buhhtisiyé', asma mooyángw tsuú' nguna da/a/ané' nee munguaá hatlá' ngina sluufmisiyé', kudá' inooín ta xuiiká laqaá tam kuungá', laqaá baabi'iihúng.

SEKARIA 13:3

Barnaxes heé wák ti adór aarusmo tlehhiit, baabuúwós nee aayoorós burngwa ariyé' ngun baya', ‹Kuúng a gaasa, asma lama ana axwés ar umuú AAKOÓ MUNGÚ.› Nee hamtidár kilá' iwa aaririn xwayliiteérós gun mút ar tsataay iri gwaa'.

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

DABE 11:32

Ti ló'wa harmagahhe' kaahi nee hara'ayaro sleémeero boo/esa' ar ilakaahara, nee tidá' aa oó' handá' aníng laarí nga dirhúng i qaás.»

DABE 13:2

nee layduudá' aa káh laqaá muruú waa/oo/amo bira tleehharuút, nee bar inós kuungá' naa báy, ‹Munguaá hatlá' eeharaak nee ki sagadiyuusá',› munguaá kuungá' ta xua'aaká,

DABE 13:7

munguaá xoordaá hatlá' kudá' kuungá' naa harweeriye', laqaá munguaá xoordaá sawen dirhunge, iimír bartí wa tleemu ay bartaqá' baraá yaamuwo.

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

DABE 18:20

Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.

DABE 19:19

naagáy kwasleemaadá' ka tsatá' adoodá' lamabu'usmoodá' geeraawo heedaádá' ngu laqtá wa slai, ka inósí tleehhi. Adoorí an adoodá' tlakweema kir hingeesa' baraá tla/angwhunge.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

DABE 24:7

«Hee barnaxes hhiyaawós oo Israeli gwaa fiís, nee guri lawaalmoowós tleéhh, laqaá burgwa weeriís amór lawaali'iima, heé adór kwí a fisusmo, i harín kuwa gaasi. Adoorí an adoodá' tlakweema kir hingeesa' baraá tla/angwhunge.

DABE 28:54

Tam heé ló'wa hhoó' oo taa hara'aya hhe'eés, hhiyaawós muruú /aymaro aqo gun /iit, tam hareerós tidá' i slai, laqaá tam na/aywós kudá' aa meet,

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

Kolosai 2:4

Tí án ngina dirhúngií oó' as kahhó' hee munduwa al/aáy ar axweesanoó tawo oo lama.

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 20:3

guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 2:13

AAKOÓ MUNGÚ nguna mayé', Ba'ali nee Ashtaroti ngiri sagadiyusiyé'.

HAR'OHUUSE 20:13

Mukwí aa hhiturumiit baraá Gibearo duuxare' as kuwa tsu/aan nee tlakweemaaká' kiwa hingeesaan baraá Israeliwo. Ala tlahhoó Benyamini kángw hhaeeín kwa ya/aniiká.»

HAR'OHUUSE 5:8

Qoomár munguaá /aben ngiwa tsawaariyé', slaqwara niri ti'ít baraá ayko. Ala hee i deéro oo lawaala gaa taataahh, laqaá gaamboót, baraá tla/ángw slaqwaruusér kume mibeeri tsiyáhh ar Israeliwo?

1 SAMUELI 18:1

Qoomár Saulo axweesanto iwa hhe'eés nee Daudi, Yonatan garmoó Saulo Daudi guri ló'wa slaá' baraá muunaáwose, ar adoodá' inós tir kilós slai.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 20:17

Wa'aá hatlae Yonatan Daudi guri báy, «Lo'o /ayeek kuúng bar aníng iqo ló'wa slá'.» Asma inós guna slaá' adór hhiintluwósuú kilá'.