DABE 13:17 - Biblía Axweesantá Hhohho' ar Mungú 2004

¹⁷ Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 13:17 Iomraidhean Croise

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 85:3

Buhhtaawók sleémeero iga ilá/, mune sleémeero aga gú/.

TI'INAANGW 20:6

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

ESEKIELI 37:26

Aníng alqadór wayda an tleéhh nee inooín, alqadoorí tari ar alhhe'eesay wasle. Aníng inooín i tsuúq, yaamu ngiri dala/iyá', nee hotaaeé' ngiri tleéhh baraá tla/angw'ín ay alhhe'eesay wasle.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

DABE 13:18

inós adoorí gan tleehh barnaxes kuungá' afór AAKOÓ MUNGÚ, Munguúhúng aga iialooeesé', hara'ayaarós sleémeero kari oté', tí laarí ni kuungá' babaw nee adór qoom bara tlehhé' dír geeraá AAKOÓ MUNGÚ, Munguúhunge.»

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.

DABE 30:5

AAKOÓ MUNGÚ, Munguúhúng nuri huuw baraá yaamuudá' baabi'iihúng naa aaliyé' as kuungá' kiwa ala'. Inós kuungá' nu amohhooárí haniis, nee nuri tlahhas baabi'iihúng ba/a.

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

YOSHUA 22:20

Kuungá' a insleera'aakáhe adór Akani garmoó Sera ira inkihhimu wasleés baraá muruudá' taa hhoohhooeesi as Mungú, Mungú iri buúhh amór xoorór Israeli sleémeero? Slám tlakweemaadaá Akani aa tleéhh inós kilós ngwa gaasi'iiká.› »

YOSHUA 6:18

Ala kuungá' ti harmagahhe', gaa ló' ma baloó taatahhara' baraá muruudá' ta hhitina, as kahhó' xafoó Israeli kuwa hhitinká.

YOSHUA 6:24

Aluuwo umuúqo gár baraá gixsadá' i diriia kari daá/ ar asla, ala gár taa da/iiká a peésa nee sahaábu, nee xooslaá taa tleéhh ar muqslír daa/aat nee muqsla. Xosluuká' kiri qaás baraá qaasír doó AAKOÓ MUNGÚ.

YOSHUA 6:26

Yoshua lo'oorí gari dír geeraá múk wa huúw, iri oó', «Hee bar gixsár Yeriko gaa malé tleéhh, inós ku lu'usi nee AAKOÓ MUNGÚ. Heé iihhafiiri gaa iiar qaasaro aqo na/aywós oo baris kun gaas, nee umuúqo heé afér gixsa gaa tleehh aqo garmaawós oo alutmo kun gaas.»

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:26

Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.

YOSHUA 8:28

Yoshua nee mukós gixsár Ai ngiri da/iyé', iri huuhu'uún, iri ufe tleehhít tam ay laarí.