DABE 13:16 - Biblía Axweesantá Hhohho' ar Mungú 2004

¹⁶ Haasaánguú baraá gixsadá' burumburaak dír tsee/aá /awaak awa gixsa, gixsadá' ka da/á' ar asla dinkwa nee haasaángudae, tawa adór ilahhooár ádkoóm ar ta da/i dír AAKOÓ MUNGÚ, Munguúhúng. Gixsarí tari taango ay alhhe'eesay wasle, ka male /abesiiká tleehharo.

DABE 13:16 Iomraidhean Croise

TI'INAANGW 22:19

«Heé nee makiito'o naa fuquusiye' a gaasa.

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

ESEKIELI 26:14

Nuri tlaa/ár kaahaar tleéhh, tari dír baratsufaay kway intlaahan, nee ti malé tleehhiiká. Asma anuú AAKOÓ MUNGÚ tí ngina oó'.»

MIKA 1:6

Aako i kaahi, «Gawaá adoorihe aníng gixsár Samaria a /aantani tleéhh baraá tla/ángw xatsto, tari adór dír ta xaa'aá sabiíbú i dahamamisi. Nee tlaa/eedá' tara tleehhiít in kwaáhh baraá xatsa, iihhafiiriirós ngiri geehhoeés.

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

YOSHUA 6:21

Umuúqo gaaro baraá gixsaro kana hhaamiís, hhaawaate nee /ameenaaro, tam masoomba nee bariiseero, hikwa nee bee/aangw nee daqwaayeero, sleémeero kina tsuú/ ar paánga.

YOSHUA 6:24

Aluuwo umuúqo gár baraá gixsadá' i diriia kari daá/ ar asla, ala gár taa da/iiká a peésa nee sahaábu, nee xooslaá taa tleéhh ar muqslír daa/aat nee muqsla. Xosluuká' kiri qaás baraá qaasír doó AAKOÓ MUNGÚ.

YOSHUA 6:26

Yoshua lo'oorí gari dír geeraá múk wa huúw, iri oó', «Hee bar gixsár Yeriko gaa malé tleéhh, inós ku lu'usi nee AAKOÓ MUNGÚ. Heé iihhafiiri gaa iiar qaasaro aqo na/aywós oo baris kun gaas, nee umuúqo heé afér gixsa gaa tleehh aqo garmaawós oo alutmo kun gaas.»

YOSHUA 8:28

Yoshua nee mukós gixsár Ai ngiri da/iyé', iri huuhu'uún, iri ufe tleehhít tam ay laarí.