DABE 13:11 - Biblía Axweesantá Hhohho' ar Mungú 2004

¹¹ Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 13:11 Iomraidhean Croise

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

AXWEESANOÓ SAGALOOA 19:25

Heé niqusmo slahheek daqaní heé iimiboó/ dahar gu sláy, Heé muruú tsatsahhaám naanaqeek daqaní xu'uti ga sláy.

AXWEESANOÓ SAGALOOA 21:11

Qoomár heé niqusmo burkwa muúx kudá' iimiboó/ in sagalooees. Qoomár heé sagaloó' burkwa intsaahhatís tsaahha gan sláy.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

DABE 13:12

«Barnaxes a hotá' baraá gixsaduukaá, AAKOÓ MUNGÚ, Munguúhúng naa kuungií haniís, nee kari axasé',

DABE 17:13

Muu sleémeero kaangwí guri axaas, tari da'ayuut, nee hhaslo wasle ngiri mayá'.

DABE 19:20

Múk hatlá' adoorí birnga axaás tari da'ayuut, nee tlakweemaá adór kuká' kiri male tleehhiiká tla/angwhunge.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

YOSHUA 7:25

Yoshua iri oó', «Xáy, asma milá, kuúng gár slahh'amu ngusa húp baraá tla/angwréní alé? AAKOÓ MUNGÚ slahh'amu ngu dirók i huuw laarí.» Akani kuri tlaquút ar tlaa/e nee múk Israeli sleémeero, kuri gaás. Múk do'ós sleeme kuri tlaquút ar tlaa/e, kuri tsuú/ nee kuri daá/ ar asla.