DABE 13:1 - Biblía Axweesantá Hhohho' ar Mungú 2004

¹ «Barnaxes aarusmo naa ti'iít tla/angwhunge, laqaá heé tlatitiím, nee oo laydaá tlehhiít, laqaá muruú waa/oo/amór dimbadimbé,

DABE 13:1 Iomraidhean Croise

1 WAAWITÁ 13:18

Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

1 WAAWITÁ 13:19

Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

AXWEESANOÓ SAGALOOA 30:6

/Aymu mu doogaar dír /aymuudá' inós aa ooi As muwa iigahhaát, kuúng tari lamusmo tleehhít.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 27:9

Naagáy kángw aaruuserhúng mu axamiisara', laqaá kángw mukdá' tlaa/aá xuaaiím, laqaá iigu'utuuserhúng tí aariiriim, laqaá kudá' giaá duxuumá', laqaá qwaslaarerhúng tidá' kuungá' nu babaw, ‹Waawutmoó Babuloni mu ilaiwawa/aara'.›

YEREMIA 29:24

AAKOÓ MUNGÚ ina báy, Shemaya oo Nehelamu kaangwí ti beer,

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

ESEKIELI 13:23

Daxta kuungá' iigu'utuú al/ayma u malé aanda'aaká, laqaá a malé aariinda'aaká. Aníng muk'eé' u ba/amís gawaá dabaahunge. Daqaní kuungá' a tsahhá' adór aníng tár AAKOÓ MUNGÚ.»

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

Matayo 24:11

Aaruusér yaariir ar lamuuse ni hardát, inooín múk yaariír ku al/aay.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Luka 6:26

«Kuungá' muu sleémeero burna xirfayeemiís, a tsaxwaahúng, asma baabi'ii'ín aáng adoosíng ngina tleehhiyé' dír aaruusér lama.»

DABE 18:20

Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:2

Hara'aya ma doogara' daanduú tí naa dír kuungá' i ooi, laqaá dír tí naa ooi tam ar wák ma /aareesara'. Hara'ayár AAKOÓ MUNGÚ Munguúhúng tidá' aníng naa kuungií oó' ooharo harmagahhaak.

2 Tesalonike 2:9

Heedá' Tlaákw nin hardah ar /uuruú Neetlaangw, nee inós umuúqo waa/oo/amooro ga tleehh, nee layaá al/aymaaro.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.