DABE 12:9 - Biblía Axweesantá Hhohho' ar Mungú 2004

⁹ Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 12:9 Iomraidhean Croise

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

1 QOM'I 23:25

Daudi iri oó', «AAKOÓ MUNGÚ, Munguú Israeli, mukós gwaa waydú i haniís, inós daxta i hoot baraá Yerusalemúr wa ale ay daqisleém.

WARA'AMI 95:11

Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»

YEREMIA 31:2

Anuú AAKOÓ MUNGÚ a kah, «Mukdá' naa dír tsu/utár wa /uy, qeemu ngwa slayé' baraá xaanxaywo, qoomaadá' múk Israeli dír huungu/uusa kawa leelehhiít.

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

DABE 12:8

«Adoorí hám ta tlehhita' ma tleehhara', umuú heewo adoorós ar i slai.

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

DABE 3:20

Hhaeehúng awa múk Israeli alee/iisaak ay dír AAKOÓ MUNGÚ ngway amohhooárí haniisi, adór kuungá' amohhooa kara sleeré' as inooín sleeme yaamuudá' AAKOÓ MUNGÚ, Munguúhúng naa haniís gayuú yaaér Yordaniro /uwa ngiwa aaliya'. Alaá tihe daqaní kuungá' ta ki/á' baraá yaamuuhúng kudá' naa haniís as tawa koohúng.›

DABE 4:21

Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.