DABE 12:6 - Biblía Axweesantá Hhohho' ar Mungú 2004

⁶ Nee sleeme didae kuungá' ilahhooár da/a ti hanise', nee ilahhooarhúng ar murú ta tsu/i, nee ilahhooár gár wák baraá muruú mibaango nee qeemuhunge, nee ilahhooár al'axweesani, nee ilahhooár sla'aari, tidár duxúng sla'aari, ar barsuú hikwa nee oo bee/angwhunge.

DABE 12:6 Iomraidhean Croise

2 QOM'I 31:14

Kore garmoó Imna heé tlahhoó Laáwi, kuduú xuumusmoó afkú do' oo da/aáw oo Doó Mungú. Inós a sagesihhitusmoó muruudá' muu na huwahuúw ar sla'aarir'ín dír AAKOÓ MUNGÚ, nee qasmisuú muruudá' taa hanmiisi dír AAKOÓ MUNGÚ, nee ilahhooadá' ló'wa hhohho'.

2 QOM'I 7:12

AAKOÓ MUNGÚ guna i xáy xweeraawo, iri oó', «Aníng firoorók aga axás nee aníng Do'owí ugwa tsawaár as tawa dír aníng tiwa ilahhooárí hanmiisi ar muruú ta tsu/i.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

NEHEMIA 10:36

Adoodá' taa gooín baraá dabeero kawa eeharaan umuú na/oó baris oo garma baraá marayrene, kun huuw baraá doó Munguúrén dír kaahamuuseedá' baraá doó Mungú wa gadiyuus, sleeme tsa/tamoó awu oo baris oo slee ngun huwaán nee deelmoó leeiro nee oo bee/iro.

NEHEMIA 10:39

Asma múk Israeli nee múk tlahhoó Laáwiwo ilahhooár balaangw ngin huwiyá', nee difaáiro, nee di/tá xaa'aá seituúni baraá kutwaydá' xooslaá hhohho' awa doó Mungú kiwa amohhe'eemisi, didá' kaahamuusér gadiyuus nee xuumuusér afér do'o nee daauuse i kutway'ín koná'. Qooma sleémeero atén doó Munguúrén u baseehuwanaaká.

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

Luka 11:42

«Kuungá' múk Farisayo, a tsaxwaahúng. Asma ilahhooár manákw nee sugdáy nee da'awemo sleémeero awa naanú in duxuundá', ar wák baraá mibaango tawa ar Mungú, amorqaáqae gan'amu nee sla'aarír Mungú iga sié'. Gár tunduwa hariím a tír geera an tlehhá', dinkwa nee tír tsár sleeme.

Luka 18:12

Aníng an gwaawawiím baraá wiíkír wake sagaáwa tsár. A ilahhooár hanimaamiís baraá daqaari'iimar'eé' sleémeerowo, ar wák baraá mibaango tawa ar Mungú.›

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›

1 SAMUELI 1:21

Elkana, nee múk do'ós sleémeero, tari tsa/án, AAKOÓ MUNGÚ kuwa ilahhooár muruú ta tsú/í haniisi ar umuú kuru, nee al'axweesantadá' aa tseék kawa boo/eesi.

1 SAMUELI 1:24

Inós iwa /oomés, na/aydá' guna húp dinkwa nee awér tám ar afiqoomár kureeraá tám, nee qwaree/amoó wák oo puurú, nee tlakoó kaahari oo difaaír koóm, muruuwí guri húp ay dír doó AAKOÓ MUNGÚ baraá Shilo. Nee na/aydá' a na/oó niiná.