DABE 12:5 - Biblía Axweesantá Hhohho' ar Mungú 2004

⁵ Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 12:5 Iomraidhean Croise

1 WAAWITÁ 12:27

Mukwí bira kumiít ilahhooár muruú ta tsu/i hanmisuwo baraá Doó AAKOÓ MUNGÚ kuduú baraá Yerusalemu i diriia, aluuwo inooín ta kii/ baraá waawuti'iimár Rehoboamu waawutmoó Yuda, nee aníng iri gaasiyá'.»

1 WAAWITÁ 14:21

Rehoboamu garmoó Solomon waawuti'iimár yaamaá Yuda ngiwa sláy kureeriiwós a mibeeri tsiyáhh nee wak. Inós kureeri ngaa /aáy a mibaá nee faanqw, baraá waawuti'iimaro, baraá Yerusalemu, gixsadá' AAKOÓ MUNGÚ aa tsawaár baraá gixsadaá hatlae awa tlahh'aá múk Israeli as kuwa baraadá wa sluufmiisi. Aayoorós a Na'ama ar xoorór Amoni.

1 WAAWITÁ 8:16

‹Iimír baldá' muk'eé' kwí oo Israeli nguwa duúx baraá yaamaá Misriro, gixsár naa tsawaár baraá yaamaá Israeliro as dooeé' nguwa tleehh i káhh, tidá' daqaní umuueé' kuwa baraadá' wa sluufmiisi, aqo har Daudi una tsawaár muk'eé' oo Israeli nguwa sawaawuti'in.›

1 WAAWITÁ 8:20

«Hám daxta AAKOÓ MUNGÚ al'axweesantós gaa boo/eés, asma aníng taa waawutmoó wa qaás kitángw baabuúeé' Daudiwo, nee kitangwduú waawuti'iima oo Israeli ugwa i iwiít adór AAKOÓ MUNGÚ, Munguú Israeli ngira oó', slám doó kuwa sluufmiisi ugwa tleehh.

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

2 WAAWITÁ 18:22

«Ala tam i beera, ‹Atén AAKOÓ MUNGÚ, Munguúrén un harahhifaán,› xuaak adór munguúsíng tar kudá' Hesekia kiteeriwós kudá' gawaá gongoama' awa ilahhooa hanmis ngira fe/iít, múk Yuda nee oo Yerusalemu guri báy, ‹Mungú sluufmisaak dír geeraá kitangwduú ilahhooa oo baraá Yerusalemurí dirií'.›

1 QOM'I 22:1

Daudi iri oó', «Diirí an didá' Doó AAKOÓ MUNGÚ kway tleehhi. Kitaangwí an kitángw múk Israeli ilahhooár da/a kawa hanmiisi.»

2 QOM'I 7:12

AAKOÓ MUNGÚ guna i xáy xweeraawo, iri oó', «Aníng firoorók aga axás nee aníng Do'owí ugwa tsawaár as tawa dír aníng tiwa ilahhooárí hanmiisi ar muruú ta tsu/i.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

ESRA 7:17

«Kuúng ilakaahareés, ar peésaarihe awe ka tláxw, nee gwaandaawe, nee deeloó bee/aango nee ilahhooár balaangw, nee ilahhooár muruú wahaangw, kuúng ki hanís ilahhooár wa ale, gawaá kitángw ilahhooa oo baraá Doó Munguúwók kuduú Yerusalemu.

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

TLAHHOÓ LAÁWI 17:4

kitángw ngiwa huwi dír afkú heémár Mungú didá' hhoohhoo' as ngiwa AAKOÓ MUNGÚ i haniisi, heedaádá' i dakuúsár kón ar tseere ngiwa ku'uús, nee inós kun baynitis dír xooroorós ar Israeliro.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:13

Ti harmagahhe', ilahhooár da/a ma tawo duxuumara' umuú dír taaqo sleeri'i,

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:4

«Kuungá' AAKOÓ MUNGÚ Munguúhúng, mu adoodár inooínár sluufmisara'.

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.

DABE 14:24

Ala barnaxes aai ki tleer, asma AAKOÓ MUNGÚ, Munguúhúng, dirós aa tsawaár as umuuwós, ka saaw ló'wa ale nee didár do'ók, nee kuungá' ilahhooár gár wák baraá muruú mibaango ar balangwhúng gagaararo a aleesleera'aaká, tidá' AAKOÓ MUNGÚ nura tsuúq, daqaní adoorí tleehhaak:

DABE 15:20

Umuuqo kurko kuúng nee múk do'oge fu'unaá makayká' in dír geeraá AAKOÓ MUNGÚ, Munguúhúng wa /agá' didá' AAKOÓ MUNGÚ aa tsawaár.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:15

Deelo faanqwe AAKOÓ MUNGÚ, Munguúhúng un deelór úr i tlehhá', didá' inós aa tsawaár as umuuwós kuwa didá' wa teetin, asma kuungá' AAKOÓ MUNGÚ, Munguúhúng nu tsuuq baraá balangwhúng sleémeero, nee baraá gadiyeduuhúng sleémeero, kuungá' tari ló'wa qwala/á'.

DABE 16:2

Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.

DABE 16:6

Ala ilahhooa hanmiisaak didá' kilós ar AAKOÓ MUNGÚ, Munguúhúng aa tsawaár as umuuwós kuwa didá' wa ateetin, diirí an didá' ilahhooár Pasaáka ar muruú ta tsu/i kawa hanmisa' tsiindoowo, qoomár looa bir darát, qoomaadár kilá' niwa baraá yaamaá Misrír wa ti'iité'.

DABE 16:7

Fu'unaydá' ki humiindá' nee ki /agá' didá' AAKOÓ MUNGÚ Munguúhúng aa tsawaár kuungá' wa ale, matlaatleero ta ki/á' baraá heemaduhúng.

DABE 17:8

«Siwarkaaro i ya/aán qaa/oó gawít niwa ti'iiti baraá gixsarhunge, oo har'ohuuse i aleesleeraaká tsatto, kwasleemár daanduú hee kuwa gaás laqaá daanduú hariimár hee kawa hara/uuntsín, laqaá hee kuna slahh'eés, daqaní ta tleerá' didá' AAKOÓ MUNGÚ Munguúhúng i tsawaari, as umuuwós kuwa ateetin.

DABE 18:6

«Heé tlahhoó Laáwi birngi slaa' iwa loohi, baraaá gixsadá' i hooti baraá Israeliwo, aqo in loh amoodá' i slai AAKOÓ MUNGÚ aa tsawaár.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

DABE 31:11

qoomár múk Israeli sleémeero birna hardáh dír geeraá AAKOÓ MUNGÚ, Munguúhúng didá' handá' inós aa tsawaár, kuúng dabeerí soomuseek dir geeraá múk Israeli sleémeero wa ale.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 22:11

Kaangwí iri hardáh baraá iaá tlahhi'iidaá hatlá' awa xoorór Israeli, adór tlahh'aá Reubeni nee Gadiwo nee tlaqtá tlahhoó Manase kitángw yangaariír oo ilahhooa ngura tleehhiyé' dír digmuú yaamaá Kana'ani afaá yaaér Yordani, gayuú yaamaá múk Israeli.

YOSHUA 9:27

Alaá deelór niinawe Yoshua múk Gibeoni guri lawaale tleéhh ar migír feehhamis, nee ar ma'aay hhekw awa múk Israeli, nee awa kitángw ilahhooa kawa hanmiisi. Ay laarí inooín i kumamitiyá' gadiyeérihe, didá' AAKOÓ MUNGÚ aqo tsawaari as sluufmis.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.