DABE 12:30 - Biblía Axweesantá Hhohho' ar Mungú 2004

³⁰ Tí harmagahhaak, ma tawo dahaara' baraá tsaaxweeli, alaá kiwa gusé', mi eeharaara'. Miti dawitimisara' as kawa xu'utír wa sla'a' daanduú mungui'ine tawa kata', ‹Xoorduuká' adór munguii'ín ngir sluufmisiya' as atén adoodá' ngiwa tleehhaan sleeme.›

DABE 12:30 Iomraidhean Croise

2 WAAWITÁ 16:10

Waawutmo Ahasi iwa Damaskór káy as tiwa doogiya' nee waawutmo Tiglat-pileseri, iwa hardáh Damasko kitángw ilahhooa kay hanmaamisi guri ár amoodá' wa aleeró. Naagáy slaqsoó nee kudá' ti slawá' guri ya/aáw amór Uria kaahamusmoó Mungú as kitángw adór kudá' kuwa tleehhi.

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

YEREMIA 10:2

AAKOÓ MUNGÚ i kaahi, «Tlehhma'aá xoordaá hatlá' mi intsaatsahhaara', laqaá mutunduwa amoqwareemiís nee layaá gawaá doorí wa tleehharumiitá', asma layuudá' xoordaá hatlá' ngin amoqwareemisiyá'.

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

TLAHHOÓ LAÁWI 18:3

Adoodár xoorór Misri i tlehhaahhit, amoodá' kuungá' niwa hoté', ma baloó tleehhara'. Laqaá adoodár múk yaamaá Kana'ani ni tlehhiitiya', amoodá' kuungá' ni huuw, ma baloó tleehhara'.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

FAARO 33:52

kuungá' yaamuloouusér yaamuudá' sleémeero guusaak, tlaa/eeín kudá' taa tleéhh awa murslaaqat hhitimaak, nee slaqsi'iidá' taa kwahhuút hhaamisaak, wa/aamer'ín tidár ilahhooa fee/aak.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

DABE 11:16

Ti ló'wa harmagahhe' munerhúng makawa al/aáy, nee tari warqeerá' munguaá hatlá' kiri sagadiyusá' nee kiri sluufmisuú eerá'.

DABE 12:29

«Qoomár AAKOÓ MUNGÚ, Munguúhúng xoorduudá' birnga hhaamiís geeraahúng wa ale, kudá' kuungá' ta gusa', tari baraá yaamuuín wa hotá'.

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

DABE 18:9

«Qoomár bar aga daté' baraá yaamuudá', AAKOÓ MUNGÚ Munguúhúng ni dirhúngí haniisi, slooír xoordaá yaamuudá' tidá' ta waki ma eeharara'.

DABE 20:18

As kahhó' inooín kuungá' munduwa intsaahhatisiyé' tlehhmi'ii'ín kudá' ta waki, kudá' i tlehhahhitiya' dír munguii'ín, nee kuungá' tlakweema kiri tlehhá' dír AAKOÓ MUNGÚ, Munguúhúng.

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.