DABE 12:3 - Biblía Axweesantá Hhohho' ar Mungú 2004

³ Kiteeri'ín kudaá ilahhooa fee/aak, nee tlaa/eedá' taa sihhtimís as kiwa sluufmiisi parhhamisaak. Slaqsi'ii'ín kudaá Ashera hhaamiisaak ar asla, nee slaqsi'ii'ín kudá' taa dakuút, umer'ín amór saáwí hhaamiisaak.

DABE 12:3 Iomraidhean Croise

1 WAAWITÁ 14:15

Eeít, iimír hamí AAKOÓ MUNGÚ múk Israeli gu slaahh, inooín kiri diingiis adór gitsór ta dingimiisi nee ma'aá yaae. Inós múk Israeli guri hingees baraá yaamuuká hhoohhoo' taa baabi'ii'ín i haniís, nee kiri diyaa/ ayaá saáwí alé, gayuú yaaér Eufrate, asma AAKOÓ MUNGÚ ngwaa buhhtisiyé' as slaqsa'aá Ashera kiwa tleéhh, kuduú munguú /ameeni.

1 WAAWITÁ 15:13

Aayoorós Ma'aka inósadár waawuto'o gari hingeés baraá waawuti'iimaro, asma inós slaqsayduú Ashera guna tléhh, munguúduú /ameeni. Gawaá adoorihe slaqsaydá' guri giqáy, guri daá/ baraá xatstá Kidronír wa ale.

2 WAAWITÁ 11:18

Muu sleémeero oo yaamuudá' tana tláy doó Ba'ali kuri feé/, kitangwduú ilahhooa nee murslaaqatudá' taa tleéhh kuri naasúy, Matani kaahamusmoó Ba'ali kuri gaás dír kitangwduú ilahhooa kawa hanmaamisi. Kaahamusmo Yehoyada xuumuuse gari qaás as doó AAKOÓ MUNGÚ kuwa xun.

2 WAAWITÁ 18:4

Inós kiteeridaá gawaá gongoama' awa munguaá lama kiwa sluufmiisi nee uheemidae gina feé/, nee slaqsoó munguú Ashera guna tsaát. Inós slaqsayduú dayshamo, kudá' aáng Mose aa tleéhh ar muqslír sirdaa/aat, kudá' ta babay Nehushtani, guri suwawaá'. Asma ay qoomaadá' múk Israeli dayshamoodá' taa tleéhh nee Mose ngun mooyángw tsuú' i da/a/aná' as nguwa ilaiwawa/iya'.

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

2 QOM'I 14:2

Asa dabaá hhohho' gina tleéhh nee hhooeema gina tleéhh geeraá AAKOÓ MUNGUHE, Munguúwós.

2 QOM'I 14:3

Baraá yaamuwo kiteeraá munguaá hatlá' kiwa sluufmiís gina hingeés nee wa/ameedár gongooama' ar munguaá hatlá' kiwa slufmiisi gari hingeés nee uheemidaá giri tlaáq, slaqsi'iidaá Ashera giri supín.

2 QOM'I 19:3

Ala tam adoorihe kuúng hhooeemakaariya' iga tléhh. Slaqsi'i sleémeero kudaá munguúdá' ta bay Ashera iga hingés, nee aga ilakaaharés Mungú kuwa leelehhit ar muunaáwók sleémeero.»

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

WARA'AMI 16:4

Ala kudá' munguaá hatlá' eeharahará', gurhaamir'ín in doogiín, ilahhooar'ín ar tseere an tsirxiisaaká, tam umér munguii'ín ka axaasiiká afkwe'eene.

TI'INAANGW 23:13

«Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

TI'INAANGW 34:13

Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

HOSEA 2:17

Umér munguiidá' ta bay Ba'ali qoomaadae a hingeés gawaá afkose, kiri baloó ooiiká.

MIKA 5:14

Aníng uheemiiwók kudá' taa dakút tawa mungú Ashera i tuú/ tla/angwhunge. Nee aníng gixsaduuhúng ngiri hhitiím.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

FAARO 33:52

kuungá' yaamuloouusér yaamuudá' sleémeero guusaak, tlaa/eeín kudá' taa tleéhh awa murslaaqat hhitimaak, nee slaqsi'iidá' taa kwahhuút hhaamisaak, wa/aamer'ín tidár ilahhooa fee/aak.

DABE 12:4

«Kuungá' AAKOÓ MUNGÚ Munguúhúng, mu adoodár inooínár sluufmisara'.

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

DABE 7:5

Ala adoorí ti tlehhe': Kiteeri'ín kudá' ilahhooa amór saaw tay fe/e', nee uheemi giqawaak. Slaqsi'iidaá Ashera amór saaw ti kwahhe', nee slaqsi'iidá' taa dakuút ar daba', da/aak.

Geehhoeemaá 13:1

Aluuwo makiito'o ana ár i baraá tlawtá wa ti'imít. Xareemiwós a mibaangw nee sage ngi koon a faanqw. Nee gár gawaá xareemiwós a slam'i mibaangw. Nee gár gawaá sageerós a umér /ooslisliingw.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?