DABE 12:20 - Biblía Axweesantá Hhohho' ar Mungú 2004

²⁰ «Qoomár AAKOÓ MUNGÚ, Munguúhúng, bar digimuú yaamuuhúng nguwa doogi, adoodá' ngura al'axweés, kuungá' tari oé', ‹Fu'unaay i /ayaán,› asma kiwa sla'a', i qoón har qoomoó ta sla'a' kuwa /aga' ay dír ti axa'.

DABE 12:20 Iomraidhean Croise

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

2 SAMUELI 13:39

Waawutmo Daudi /aa/eewós, kudá' garmaawós Amnoni iwa kahhuút, niwa faakiyé' gari slaá' garmaawós Absalomu nguwa ari.

2 SAMUELI 23:15

Daudi iri oó', «Aníng ma'aá wahaangw i kángw kilá' wa slaá' bir kingi hheeki baraá hhalangwduú Betilehemu kudá' tseéw dír afkú gixsa.»

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 107:9

Inós kudá' waxiitá' gin waxe tse'ees. Awa qwariitá' gin aaxiis muruú hhoe.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:20

Aníng a slahhahhaá' baraá muunaáeene, as tidá' kuúng ta kat ngiwa xu'utír wa slaa' kángw kilá' wa aleeró.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

FAARO 11:20

Ala in /aa/agá' slahhángw doori kuri gwangwar'á', ay dír ni dungér ti'imitiya', nuri mune ayá'. Adoorí in tleehharút asma AAKOÓ MUNGÚ kuungá' ugwa sié', kudá' baraá tla/angwhúng i dirií', nee tawa geeraawós wa /aa/amiindé' tawa katé', ‹Ahaá waáy mista duúx baraá yaamaá Misrír wa alé.› »

FAARO 11:34

Gawaá adoorihe didá' kari bay Kibrot-hata'afa asma múk haayír fu'unaá koóm kuna didií foliít.

FAARO 11:4

Baraá tla/ángw múk Israeliwo muko i deer oo fu'unaay gaa ló'wa haayuus, nee múk Israeli iri /aa/amín tawa kaahi «Ís hamí hee adór fu'unaay ngir tláy!

2 korinto 9:14

Gawaá adoorihe inooín tsuuqaá Mungú awa waa/oo/amór koomá' kudá' naa amorhúngií haniís ki tsaahh, nee kuungá' tunduri aleefiriirín nee tunduri ló'wa slaá'.

DABE 11:24

Umuú dír ta adata' ya'ahunge a yaamuuhúng, iimu/úngw digimuú yaamuuhúng a iimír xaanxáy wa tleemu bihhaá basko, tay bihhaá tloomár Lebanoni bihhaá /iiko, iimír yaaér Eufrate wa tleemu bihhaá da/aawe, ay Tlawtá Tla/aangw bihhaá /uwawo.

DABE 12:15

«Ala kuungá' tundu ila/anká hikwaahúng kiwa tsu/a' nee fu'unay'ín kiwa /aga', dír umuúqo kuungá' ta hota', adoodá' AAKOÓ MUNGÚ, Munguúhúng, nura tsuúq, adoodá' tsuuqa kira ilaoté' dír AAKOÓ MUNGUHE. Muu sleémeero kudá' hhohhó', laqaá oo ta harmeetina, ta /ayin adoodá' fu'unaá tlaaqati, laqaá awa saargi kir /aa/ayi.

DABE 12:21

Barnaxes didá' AAKOÓ MUNGÚ, Munguúhúng i tsawaari, dirhunge ka saaw, nee kuungá' hikwaahúng, laqaá bee/angwhúng kudá' AAKOÓ MUNGÚ nura tsuúq, iga tsu/é', adoodá' ngira hara'ayiím, i ya/aán fu'unaydá' kiwa /aga' umuúqo dír ti diria'a baraá yaamuhunge.

DABE 19:8

«Slám barnaxes AAKOÓ MUNGÚ, Munguúhúng digeemaá yaamuuhúng ngaa doók, adoodá' ngira dír baabi'iihúng i alqadín, nee inós yaamu sleémeero kudá' aa al'axweés dír baabi'iihúng, ngiwa haniisi,

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.