DABE 12:18 - Biblía Axweesantá Hhohho' ar Mungú 2004

¹⁸ Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:18 Iomraidhean Croise

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 68:3

Ala múk hota ganaá' tan qwalalaa/, tan baraa/ geeraá Munguhe, tay tsimaahh ar qwala/.

AXWEESANOÓ SAGALOOA 3:17

Lohuuwós sleémeero bira aán in sla'atamiisiyá', nee umuúqo loohiro ka saxmaár.

DAHARUSMO 3:12

Aníng ngari tsaáhh gár hee gu gaa wa buu' ar qwala/ gu baa/ i káhh, nee tiwa qwal/atimis baraá hotaawós sleémeerowo.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

Tlehhema'aá ya/Abuuse 16:34

Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

DABE 12:14

ala aqo har didá' AAKOÓ MUNGÚ aa tsawaár baraá tlahhoó wák wa ale baraá tlahhi'iihunge, diirí an didá' ta ilahhooár dá/tí hanisá', nee an didá' muruuduú hatlá' sleémeero kuwa tlehhita', kudá' naa kuungá' báw.

DABE 12:19

Ala tí inslawaak qooma sleémeero ar tawa hota' baraá yaamuuhúng kukae, hariímár múk Laáwi ma gunqareesara'.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.

DABE 15:20

Umuuqo kurko kuúng nee múk do'oge fu'unaá makayká' in dír geeraá AAKOÓ MUNGÚ, Munguúhúng wa /agá' didá' AAKOÓ MUNGÚ aa tsawaár.

1 SAMUELI 1:4

Elkana umuúqo bál bir ilahhooarós haniisár áy ar gár ta gaasi, /aarmoó fu'unaay oo wák gun qasiis dír hareerós Penina, nee dír na/iiwós awa daaqaay nee awa dasu, as ilahhooar'ín ngiwa haniisiya'.